ଦୀପାବଳୀ
ଦୀପାବଳୀ
ମୋ ଗାଁ ଆଜି ଦୀପାଳି ପାଳୁଛି
ମାଟି ଦୀପ ଜାଗା ଲିଚୁ ନେଇଛି
ଚିକ୍ ଚିକ୍ ଆଲୁଅରେ ହସୁଛି ମୋ ଗାଁ
ମୋ ଗାଁ ଆଜି ଦୀପାଳି ପାଳୁଛି ।
ଲୋଡାନାହିଁ ଆଜି ମହମବତୀ
ଡିବି ଆଲୁଅ ବା ଲଣ୍ଠନବତୀ
ମୋବାଇଲରେ ଫ୍ଲାସ ଲାଇଟ ଅଛି
ମୋ ଗାଁ ଆଜି ଦୀପାଳି ପାଳୁଛି ।
ତାଳଫୋଟକା ତ ହଜିଗଲାଣି
ରକେଟ୍ ହାବେଳି ଜାଗା ନେଲାଣି
ମୋ ଗାଁ ଦାଣ୍ତ ଆଜି ଥରି ଉଠୁଛି
ମୋ ଗାଁ ଆଜି ଦୀପାଳି ପାଳୁଛି ।
ବନ୍ଧୁ ପରିଜନ ଯେତେ ଯେ ଦୂରେ
କାହାରିକୁ କାହିଁ ମନ ନ ଝୁରେ
ହ୍ୱାଟ୍ସପରେ ଉଇସ କରୁଛି
ମୋ ଗାଁ ଆଜି ଦୀପାଳି ପାଳୁଛି ।
କାଉଁରିଆ କାଠି ହାତରେ ଧରି
ବଡ ବଡିଆଙ୍କୁ ସ୍ମରଣ କରି
ଗାଁରେ ଆଜି ଶ୍ରାଦ୍ଧ ହେଉଛି
ମେ ଗାଁ ଆଜି ଦୀପାଳି ପାଳୁଛି ।
ରଙ୍ଗ ବେରଙ୍ଗର ଆଲୋକ ଜାଳି
ଅମାବାସ୍ଯା ଓ ଅନ୍ଧକାରକୁ ଟାଳି
ଦେଖ ମୋ ଗାଁ ହସି ଉଠୁଛି
ମୋ ଗାଁ ଆଜି ଦୀପାଳି ପାଳୁଛି ।