ଦୀପାବଳି
ଦୀପାବଳି
ବରଷକେ ଥରେ ଦୀପାବଳି ଆସେ
ପାର୍ବଣ ଉଲ୍ଲାସ ନେଇ ,
ପୂଜନ୍ତି ହିନ୍ଦୁଏଁଁ ମା' ଲକ୍ଷ୍ମୀ ଦେବୀ
ଧନ ଦଉଲତ ପାଇଁ ।
କାର୍ତ୍ତିକ ମାସର ଅମାବାସ୍ୟା ଦିନ
ପାଳନ୍ତିି ସର୍ବେ ଏ ପର୍ବ ,
ଧର୍ମ ଓ ସଂସ୍କୃତି ଭରା ଏ ଦେଶର
ପର୍ବ ପର୍ବାଣୀ ତା ଗର୍ବ ।
ଏ ଦିିିନେ ତିିିଥିରେ ଶ୍ରୀରାମ କରିିିଲେ
ଅଯୋଧ୍ୟା ପ୍ରତ୍ୟାବର୍ତ୍ତନ ,
ଲଙ୍କାଗଡ ଧ୍ବଂସି ରାବଣକୁ ନାଶି
ସୀତା ମା ସାଥେ ଲକ୍ଷ୍ମଣ ।
ଅଯୋଧ୍ୟାବାସୀଏଁ ଆନନ୍ଦ ଉଲ୍ଲାସେ
ଦୀପ ଜାଳିଲେ ଦୁଆରେ,
ସ୍ବାଗତ କରିଲେ ଶ୍ରୀ ରାମ ସୀତାଙ୍କୁ
ହୁଳହୁଳିି ଶବଦରେ ।
ସେଥି ପାଇଁ ତାଙ୍କୁ ସ୍ମରଣ କରୁଛେ
ଜାଳିି ଦୀପ ଘର ଦ୍ବାର ,
ଆତସବାଜିରେ ଆନନ୍ଦ ଉଲ୍ଲାସେ
ସ୍ମରି ନାମ ରାମଙ୍କର ।
ଉତ୍ତର ଭାରତେ ପାଞ୍ଚଦିନ ଧରି
ଏ ମହାପର୍ବ ପାଳନ୍ତି ,
ଘରକୁ ସଜାଇ ମହାଆଡମ୍ବରେ
ଲକ୍ଷ୍ମୀଙ୍କ ପୂଜା କରନ୍ତି ।
ଜଏନ କହେ ଏ ପବିିତ୍ର ଦିିିବସ
ମହାବୀରଙ୍କ ନିିିିିିିର୍ବାଣ ,
ଶିଖ ସ୍ମରନ୍ତି ଗୁରୁଗୋବିନ୍ଦଙ୍କୁ
ମହା ମୁକ୍ତି ର ଏ ଦିନ ।
ପୂର୍ବ ଭାରତୀୟ ମହାକାଳୀ ପୂଜେ
ଦୁଷ୍ଟର ବିନାଶ ପାଇଁ ,
ଓଡିଶା ମାଟିରେ ପୂଜନ୍ତିି ଓଡ଼ିଆ
ପୂର୍ବ ପୁରୁଷଙ୍କୁ ଧ୍ୟାୟୀ ।
ମହାଳୟା ଦିନ ଆମନ୍ତ୍ରଣ କରି
ଆଣନ୍ତି ବଡବଡିଆ ,
ପୂର୍ବ ପୁରୁଷଙ୍କୁ ସ୍ମରନ୍ତି ସଭିଏଁ
ଆଶୀଷ ଲୋଡନ୍ତି ଯାହା ।
ଦୀପାବଳି ସଂଧ୍ୟା ଆସର ଜମଇ
ବନ୍ଧୁ ପରିିିଜନ ନେଇ ,
କାଉଁରିଆ କାଠି ଜାଳି ଆଲୋକର
ବର୍ତ୍ତିକା ଦୁୁୁୁଆରେ ଥୋଇ ।
ବଡବଡିଆଙ୍କୁ ବିିିିଦାୟ ଦିଅନ୍ତିି
ଆଶୀଷ କାମନା କରି ,
ଅମୃତ ଦୃଷ୍ଟିିିରେ ଚାହିଁ ରହିଥାଅ
ମୋ ପଥ ସୁଗମ କରି ।
ପ୍ରତ୍ୟେକ ପର୍ବର ଇତିହାସ କହେ
ଧର୍ମ ସଂସ୍କୃତିର କଥା ,
ଧର୍ମ ର ବିଜୟ ଅଧର୍ମର ନାଶ
ନମ୍ରତାରେ ନୁଏଁ ମଥା ।
ଯେ ଯେଡେ ଧନୀକ ହେଉ ପରାକ୍ରମୀ
ଜ୍ଞାନୀ ବା କ୍ଷମତାଶାଳୀ ,
ଐଶ୍ଵରିକ ଶକ୍ତି ଆଗେ ନୁଏଁ ମଥା
ସମର୍ପଣେ ମହାବଳୀ ।
ଜ୍ଞାନ ମାଗେ ଜ୍ଞାନୀ ଧନକୁ ନିର୍ଧନ
ଅମର ଲୋଡେ ରାବଣ ,
ସାଧୁ ଭିକ୍ଷାକରେ ଜଗତ କଲ୍ୟାଣେ
ଦୁଷ୍ଟାଚାରୀ ପାପମନ ।
ଭାରତ ବର୍ଷର ପ୍ରତ୍ୟେକଟି ପର୍ବ
ଭରା ଧର୍ମ ସଂସ୍କୃତିରେ ,
ତାହାକୁ ମନରେ ଧାରଣ କରିିିଲେ
ଚାଲନ୍ତେ ସତ୍ ପଥରେ ।
ଆହେ ଗଣେଶ୍ବର ମା ମହାକାଳୀ
ଆଲ୍ଲା ଯୀଶୁ ଶ୍ରୀରାମ ,
ଅପସଂସ୍କୃତିର ବିନାଶ କରନ୍ତୁ
ଏ ଦେଶେ ଧର୍ମ ସ୍ଥାପିଣ ।
ସତେ କି ଭାରତ ହେବ ଦେବ ଭୂମି
ମହାମନୀଷିଙ୍କୁୁ ନେଇ ,
ବିଶ୍ବ ଶାନ୍ତି ବିଶ୍ବ କଲ୍ୟାଣ ସ୍ଥାପନେ
ତୁମ୍ଭ ଆଶୀର୍ବାଦ ପାଇ ।।