ଦିଗନ୍ତର ଯାତ୍ରାପଥେ

ଗ୍ରହ ,ନକ୍ଷତ୍ର,ସାଗର ସବୁକିଛି ଗତିଶୀଳ

ସମସ୍ତେ ଚାଲିଛନ୍ତି ଆଗକୁ ଆଗକୁ

ଚାଲିବା ଯେହେତୁ ସଂସାରର ନିୟମ ।

ଜନ୍ମ ଠାରୁ ମୃତ୍ଯୁ ପର୍ଯ୍ଯନ୍ତ ଅହରହ

ଚାଲିଥାଏ ଏକ ଯାତ୍ରା କ୍ରମଶଃ 

ନାଆଁଟା ଯାହାର ଅଟେ ଜୀବନ ।

ଅସମ୍ଭାବୀ ପ୍ରାୟ ପ୍ରତୀତ ପ୍ରତିଟି ଇଚ୍ଛା ଓଲକ୍ଷ୍ଯ

ସୀମିତ ସମୟର ଚକ୍ରବ୍ଯୁହେ ଛନ୍ଦା ବନ୍ଧା

ତଥାପି ଅଣନିଃଶ୍ବାସୀ ପ୍ରତିଟି ଜୀବ ଧାବମାନ ।

କିଏ ପେଟଲାଗି କିଏ ଭୋକ ଲାଗି

ଦୌଡି ଚାଲିଛନ୍ତି ସମସ୍ତେ ପଥପରେ

ଜାବୁଡି ଧରି ନିଜ ନିଜର ସ୍ବାଭିମାନ ।

ବିଶ୍ବାସ ଅବିଶ୍ବାସ ର ଛକାପଞ୍ଝା ଭିତରେ

ପ୍ରେମ ଓ ଡପ୍ରତାରଣାର ଲୁଚକାଳି ଖେଳ

ତଥାପି"ମୁଁ"ବୋଲି ସଂକଳ୍ପଟିଏ ବିଦ୍ଯମାନ ।

ସଂଘର୍ଷମୟ ପ୍ରତିଟି ବିତିଯାଉଥିବା ମୂହୁର୍ତ୍ତ 

ଆଶାୟୀ ତଥାପି ଆଗକୁ ବଢୁଥିବା ପାଦ

ପ୍ରୟାସ ଥାଏ ସଦା ଛାଡିଯିବାକୁ ସ୍ମୃତିଚିହ୍ନ ।

ଥକି ନ ଯାଇ ଆଗକୁ ବଢିବାକୁ ହେବ

ଲଘଂଯିବାକୁ ହେବ ପଥ ନ ହୋଇ କ୍ଳାନ୍ତ

ଏ ଏକ ଯାତ୍ରା ଯାହା ବିସ୍ତୃତ ଦୂରଦିଗନ୍ତ ।

ଲମ୍ବିଛି ପଥ ଅନନ୍ତ ବିସ୍ତୃତ ସୀମାରେଖା ସହ,

ଆଗେଇ ଯିବାକୁ ହେବ ଆଗଭର ହୋଇ

 ସାଜି ଏକ ଅଭିପ୍ ସିତ ବାର୍ତ୍ତାବହ ।

ନିଃଶ୍ବାସର ହିସାବ ନିକାସ ସରିବା ଆଗରୁ

କରି ନେବାକୁ ହେବ ହାସିଲ ଜନ୍ମ ର ସିଦ୍ଧାନ୍ତ

ଅବଶୋଷ ନ ଥିବ ପିଣ୍ଡରୁ ଗଲାବେଳେ ପ୍ରାଣ ।

ରଚିଯିବାକୁ ହେବ ଏକ ନୂଆ ଇତିହାସ

ଯାହାକୁ ଝୁରିବେ ଏ ସାରା ଜଗତ ବାସୀ

ଲିପିବଦ୍ଧ ହେଇ ରହିଯିବ ସ୍ବାକ୍ଷର ସ୍ବର୍ଣୀମ ।