ଦିବସଟେ ସ୍ଵାଭିମାନର
ଦିବସଟେ ସ୍ଵାଭିମାନର
ପରାଧୀନ ବେଡି ଛିଡାଇଲା ପରେ
ଆମେ ସ୍ଵାଧୀନ ଭାରତୀୟ
ଜାତି ଧର୍ମ ବର୍ଣ୍ଣ ନିର୍ବିଶେଷରେ
ଗୋଟିଏ ଆମରି ହୃଦୟ ।।
ଅନେକ ତର୍ଜମା ବିତର୍କର ଫଳ
ମହାନ ଆମ ସମ୍ବିଧାନ
ସମ୍ପର୍କର ସେତୁ ଗଢା ହେଲା ବୋଲି
ଏକତ୍ରିତ ହୋଇଛି ମନ ।।
ବଳୀଦାନ ଗାଥା ଭୁଲିନାହୁଁ ମନୁ
ଇତିହାସ ଯେ ପରିଚୟ
ସମ୍ବିଧାନ ଆମର ଅଭିମନ୍ତ୍ରିତ
ନାହିଁ ତେଣୁ ମନରେ ଭୟ ।।
ଅସାଧାରଣ ଏ ସାଧାରଣତନ୍ତ୍ର
ପରିଚୟ ରାଷ୍ଟ୍ର ପର୍ବର
ଗର୍ବରେ କହୁ ଭାରତୀୟ ଆମେରେ
ଦିବସଟେ ସ୍ଵାଭିମାନର ।।
