ଦିଅ ମାଆ କୃପାଦୃଷ୍ଟି

ବିରଜା ଅପର୍ଣ୍ଣା ମାହେଶ୍ୱରୀ ଉମା

ସୁଭଦ୍ରେ ବ୍ରହ୍ମଚାରିଣୀ

ଯଜ୍ଞରୂପିଣୀ ଜଗତ ଜନନୀ

କରୁଛୁ ମା ଆବାହନୀ ।

ଅବତର ମାଆ ଶରଦ ପାର୍ବଣେ

ସିଂହର ପୃଷ୍ଠରେ ବସି

ଦିଅ ଶୁଭାଶିଷ ଭବାନୀ ମା ଦୁର୍ଗା

ଆନନ୍ଦ ଉଲ୍ଲାସ ଖୁସି ।

ଶୁଦ୍ଧ ରୂପା ଶ୍ୟାମା ଶିବା ସୁଶୀତଳା

ସୁବର୍ଣ୍ଣ। ମା ହରିଦ୍ରାକ୍ଷୀ

ଅର୍ଘ୍ୟ କମଣ୍ଡଳୁ ମନ୍ତ୍ର ଜପାମାଳୀ

ସୁଶୋଭିତା କୃପାଦୃଷ୍ଟି ।

ଦୟାକର ମାତ ଘୁଞ୍ଚିଯାଉ ଦୂରେ

ଅଭାବ କଷଣ ଦୁଃଖ

ନାଶ ହେଉ ଘୋର ଅଜ୍ଞାନ ତିମିର

ପାପତାପ ରୋଗ ଶୋକ ।

 -----