ଅନୁଶୀଳନ
ଅନୁଶୀଳନ
ବଞ୍ଚି ଥାଇ କରି ଶବ ହୋଇଯିବା
ଅନୁଭବୀ ଲୋକ ଜାଣେ
ଶବ୍ଦମାନଙ୍କର କୋଳାହଳ ମଧ୍ୟେ
ମନ କୋଳାହଳ ଥମେ ।
ଆଖି ଆଗେ ଯଦି ସପନ ଜଳଇ
ଜ୍ୱଳନର ଜ୍ଵାଳା ଭରେ
ମନ ଶାନ୍ତ କରି ନିଜକୁ ଖୋଜିଲେ
ଆଶାର ପାହାଡ଼ ଶକ୍ତି ଯୋଗାଏ ।
ଅନ୍ୟର ସ୍ୱପ୍ନକୁ ସଜାଉ ସଜାଉ
ଯଦି ବୁଝାମଣା ତା ପଥ ହୁଡ଼େ
ନିଜ ବୁଝାମଣା ନିଜକୁ ବୁଝାଏ
ନିଃଶବ୍ଦେ ତାହାର ପାଦ ବଢ଼ାଏ ।
ଭଲ ପାଇବାର ମିଠା ବାଣ୍ଟୁ ବାଣ୍ଟୁ
ଯଦି କିଏ ପିତା ରୂପ ବା ଦିଏ
ମନର ଦୁଃଖକୁ ଏକତ୍ରିତ କରି
ନିଜକୁ ନିଜେ ଯେ ସାବାସି ଦିଏ ।
ସୁଖ-ଦୁଃଖ ପୂର୍ଣ୍ଣ ଏଇ ତ ଜୀବନ
ସେ ସ୍ରୋତ ଏମିତି ଚାଲୁ ଯେ ଥାଏ
ନିଜ ପାଖେ ଅଛି ଜୀଇଁବାର କଳା
ଖୋଜିବାର ଇଚ୍ଛା ଜାଗୃତି ଚାହେଁ ।