ଦୁଃଖ ପରେ ସୁଖ ଦୁନିଆ ରୀତି

ଦୁନିଆ ବୁକୁରେ ଘର କରିଛନ୍ତି

କର୍ମ ଅନୁଯାୟୀ ଫଳକୁ ଲଭି

କାଳ କାଟୁଥିବା ସୁଖେ ଅବା ଦୁଃଖେ

ହସ ଆଉ ଲୁହକୁ ଅନୁଭବି ।

ଶୀତ ପରେ ମଧୁମାସ ଆସିଥାଏ

ତନୁମନରେ ଅପୂର୍ବ ମହକ

ସେମିତି ଦୁଃଖଟା ଉହାଡ଼ ହୋଇଲେ

ସୁଖ ଦିଶିବନି କି ଝକମକ ?

ଦୁଃଖ ସମୟରେ ଖଣ୍ଡେ କାଠି ସମ

ନିଜର ମନକୁ ନକରି କେହି

ମନ ଅସ୍ଥି ମଜ୍ଜା ରକ୍ତକୁ ବାନ୍ଧିକି

ବିଡ଼ା ରୂପରେ ରଖିବା ସଜାଇ ।

ନଭାଙ୍ଗିବା କେବେ ବିପଦ ସମୟେ

ସାହସ ଦମ୍ଭରେ ଦୃଢ଼ ହୃଦୟ

ବୁଦ୍ଧି କୌଶଳ ଯେବେ ସାଥେ ଥିବ

ଅନ୍ଧାର ହଟି ସୂରୁଜ ଉଦୟ ।

ଯେତେବେଳେ ଯାହା ଘଟି ଯାଉଥିବ

ଶୋଚନା ନକରି ତେଜିକି ଭୀତି

ଚଳି ଯାଉଥିବା ବୁଝକଟେ ଭଳି

ଦୁଃଖ ପରେ ସୁଖ ଦୁନିଆ ରୀତି ।