Library
Profile
ଧରମା
ଧରମା
1 min
403
ମୁଣ୍ଡି ମାରିଦେଲା ଯିଏ
ଛୋଟ ପିଲାପରି ଦିଶେ ସିନା
ସାହାସରେ ସରି କିଏ
ବାପାକୁ ଦେଖିବ ବରକୋଳି ଦେବ
ବଳିଆ କୁକୁର ସଙ୍ଗରେ ନିଏ
କୋଣାର୍କ ମନ୍ଦିର ବାରଶ ବଢ଼େଇ
ବାଳକକୁ ଦେଖିକି ଚିହ୍ନିଯାଏ
ବାପା ପୁଅ ଭେଟ ହେଲା କି ନହେଲା
କିମ୍ବଦନ୍ତୀ ଯାହା କହେ
ବାପାଙ୍କ ସ୍ୱପ୍ନକୁ ସାକାର କରିବାକୁ
ବାର ବରଷର ବାଲୁତ କେମିତି
ଦେଉଳ ମୁଣ୍ଡି ମାରି ଜୀବନ ଦିଏ
କଥା ଓ ଗାଥା ସତ ଅବା ମିଛ
ପଡ଼ିଛୁ ବହିରୁ ଯିଏ
କେମିତି ଭୁଲିବୁ ସେ ବେଳ ଶିହୀରଣ
ଅଙ୍ଗେ ଅଙ୍ଗେ ଭରିଯାଏ
ଶିକ୍ଷା ଦେବା ପାଇଁ ଗପ ହୁଏ ଲେଖା
ଏହା ନୁହେଁ ଜମା ଗଳ୍ପଟିଏ
ଆଜିବି ଅନ୍ଧାରେ ଆଲୋକ ଦେଖାଏ
ଧରମା ବାଳକ ସିଏ
ପିତୃ ସତ୍ୟ ପାଳି ରାମଚନ୍ଦ୍ରଙ୍କ ପରି
ଜୀବନ ହାରିଲା ଯିଏ
କୋଉ ଐଶ୍ଵର୍ଗିକ ଶକ୍ତି ବଳେ ଜନ୍ମିଥିଲା
ଖୋଜୁଛି ଆଜିର ମଣିଷ ଖିଏ
ବିଶ୍ୱାସ ଅବିଶ୍ୱାସ ଦୋଛକି ଲୁଚକାଳି
ଖେଳାଏ ଧରମା ପୁଏ
ଶତ ପୁତ୍ର ନୁହେଁ ଏକମାତ୍ର ଗୁଣୀ ପୁତ୍ର
ସେପାଇଁ ଜନତା ଗାଏ
ଜମା ନୁହେଁ ମିଛ କାଚ ପରି ସ୍ୱଚ୍ଛ
ଧରମା ବଞ୍ଚିଛି ବଳିଆ ଭୁକୁଛି
କୋଣାର୍କ କହୁଛି ତୋ ବିନା ମୁଁ କିଏ ?
