ଧରାଦିଅ ମୋତେ ବାରେ

ଜାଣିଲି ଯେ ଲାଗି ମୋ ପାଶୁ ରହୁଛ

ତୁମେ ଏତେ ଦୂରେ-ଦୂରେ ,

ସେତେ ବେଶୀ ମନେ ପକେଇବି ବୋଲି

ଧରାଦେଉ ନାହଁ ବାରେ ।

ତଥାପି ଏ ମନ ଝୁରେ ;

ଭାରି ଇଚ୍ଛା ହୁଏ ତୁମରି ପରଶ

ପାଇବାକୁ ଖାଲି ଥରେ ।(୦)

ଆଖି ଆଗେ ମୋର ତୁମ ଛବି ନାଚେ,

କେତେ ଦିଅଁ ପୂଜି ଭୋଗ-ରାଗ ଯାଚେ ।

କାଳେ ତୁମ ହୃଦ ,ତରଳି ତ ଯିବ

ଟିକିଏ ଅଜାଣତରେ ।(୧)

ଧରାଦେଵ ମୋତେ ବାରେ ;

ଭାରି ଇଚ୍ଛା ହୁଏ ତୁମରି ପରଶ

ପାଇବାକୁ ଖାଲି ଥରେ ।

ମୋ ପ୍ରତି ତୁମର ହେଲେ ଅନୁକମ୍ପା ,

ସଦାଶିବ ମୁଣ୍ଡେ ଚଢ଼େଇବି ଚମ୍ପା ।

ତୁମରି ସାନିଧ୍ୟ ମିଳିଲେ କରିବି

ତୀର୍ଥଯାତ୍ରା ଆନନ୍ଦରେ ।(୨)

ଧରାଦିଅ ମୋତେ ବାରେ ;

ଭାରି ଇଚ୍ଛା ହୁଏ ତୁମରି ପରଶ

ପାଇବାକୁ ଖାଲି ଥରେ ।

ବି. ନିରୁପମା

ମାମୁରିଆ, ଛେଣ୍ଡିପଦା,ଅନୁଗୋଳ।