ଧନୁ ସଙ୍କ୍ରାନ୍ତି

ସୂରୁଜ ଦେବ ରଥରେ ବସି

  ଧନୁ ସଙ୍କ୍ରାନ୍ତି ଦିନ

ଧନୁରୁ ଯାଇ ହେବେ ପ୍ରବେଶ

  ମକର ରାଶି ଚିହ୍ନ ।

ବଡି ସକାଳୁ  ସ୍ନାହାନ ସାରି

  ପବିତ୍ର ନଦୀ ଜଳେ

ଦର୍ଶନ ଶୁଭ  ଦେବାଦେବୀଙ୍କୁ

  ଆଶୀଷ ଶୁଭ ମିଳେ ।

ପବିତ୍ର ମାସ  ଶ୍ରୀ ମାର୍ଗଶୀର୍ଷ

 ପୂଜ୍ୟ ଶ୍ରୀ ବିଷ୍ଣୁ ସୂର୍ଯ୍ୟ

ଗୋଟିଏ ଦିନ  ଫଳ ସମାନ

  ପୂଜା ସହସ୍ର ବର୍ଷ ।

ହୁଅଇ ଦୂର  ଦାରିଦ୍ର୍ୟ ଦୁଃଖ

  ପ୍ରଚୁର ଧନଧାନ୍ୟ

ସବୁରି ମନେ ଦାନ ଓ ପୁଣ୍ୟ

  ଭାବନା ପରିପୂର୍ଣ୍ଣ ।

ଓଡ଼ିଶା ପାଇଁ  ଧନୁ ସଙ୍କ୍ରାନ୍ତି

  ବିଶେଷ ବଡ଼ ପର୍ବ

ପାଳନ୍ତି ସର୍ବେ  ହରଷ ମନେ

  ଧନୀ ହେଉକି ଗରିବ ।

ବାସେ ବଢ଼ିଆ  ଖଣ୍ଡ ନଡ଼ିଆ

   ଭଳିକି ଭଳି ମୁଆଁ

ଲାଗଇ ଭୋଗ  ଦେବ ମନ୍ଦିରେ

  ମାରନ୍ତି ପିଲେ ଡିଆଁ ।

ଆସିଛି ଆଜି  ଧନୁ ସଙ୍କ୍ରାନ୍ତି

   ଉଛୁର ଆଉ କିଆଁ

କରିବା ମଜା  ଖାଇବା ଆସ

  ଗୁଡ଼ ଉଖୁଡା ମୁଆଁ ।

   -----