Library
Profile
ଦେଶ
ଦେଶ
ସେଦିନ ସେମାନେ ରେଖାଟିଏ ଟାଣିଲେ
ଛାତିଚିରି ଭାଗବଣ୍ଟା ହେଲା
ଦି ଖଣ୍ଡ ହୃଦୟ
ଖଣ୍ଡେ ମୁଣ୍ଡ ଉପରେ
ଖଣ୍ଡେ ପାଦ ତଳେ
ପେଟରେ ପୋତି ଦିଆଗଲା
ଦୁଇ ରଙ୍ଗର ପତାକା
ଲେଖାଗଲା ନୂଆ ଶ୍ୱେତପତ୍ର
ହୁଇପ ଜାରି ହେଲା
ନିକିତିରେ ତୋଳା ହେବ
ଈଶ୍ୱର ଓ ଆଲ୍ହାଙ୍କ ଅସ୍ତିତ୍ୱ
ଦଳେ ଈଶ୍ୱରଙ୍କ ପାଖୁ ଦୌଡ଼ିଲେ
ବାକି ଆଲ୍ହାଙ୍କ ପାଖୁ
ମାନବବାଦର ବଟକରାକୁ ଫିଙ୍ଗିଦେଇ
କିଛି ରକ୍ତର ହୋଲି ଖେଳିଲେ
ଜଣେ ଥିଲେ
ହରଏକ ସ୍ୱରାଜ୍ୟର ଅଧୁରା ସ୍ବପ୍ନକୁ ପୋଛିଦେଇ,
ଲ
ୁହର ନଦୀରେ ଭସାଇ ଦେଲେ
କ୍ଷତାକ୍ତ ମାଟିର କଳଙ୍କିତ ଅଧ୍ୟାୟକୁ
ସେଦିନ
ଚରଖା ଚଷମା ଘଡି
ଖଦଡ଼ ବାଡ଼ି ,
ହାର ମାନିଗଲା
କେଇ ମୁହୂର୍ତ୍ତରେ
ଟୋପି ଟୀକା ପଗଡ଼ି ଦ୍ଵନ୍ଦରେ
ସେଦିନ
ଟଳି ପଡିଲା ମହାନ ଆତ୍ମା
ମାଟିର ହୃଦୟଫଟା ରକ୍ତରେ
ନିଜକୁ ଭିଜେଇବା ପାଇଁ
ମା ସହ ମାଟି ହେବାପାଇଁ
ହେ ରାମ ଶବ୍ଦ ରେ
ନିଶବ୍ଦ କରିବା ପାଇଁ ନିଷ୍ପ୍ରଭ ସ୍ବପ୍ନ ମାନଙ୍କୁ ।
ସେଦିନ
କେହି ଜଣେ ଚିକ୍ତାର କଲା
ବାପୁ ଉଠିଯାଅ ,
ଭିଡି ଧର ଅନୁସାଶନର ବାଡ଼ି
ଏଇ ଦେଖ ତୁମ ଦେଶ କାନ୍ଦୁଛି ।
