ଦେଶ ବନ୍ଦନା : ସୁନ୍ଦର ମୋ ଭାରତ ଦେଶ -ଡକ୍ଟର କୃତ୍ତିବାସ ନାୟକ

ସୁନ୍ଦର ମୋ ଭାରତ ଦେଶ ସୁନ୍ଦର ତା' ସବୁଜ ବନ-

ସୁନ୍ଦର ତା' ପାହାଡ଼ ନଈ |

ଦେବତା ବୃକ୍ଷ-ଲତା ତା'ର ପଥର ପୁଣି ହୁଏ ଠାକୁର 

ମାଆପରି ତା' ସୁଧାର ଗାଈ (ଘୋଷା)

ଏଇ ମାଟିର ମଧୁର ଫଳ, ଦେହରେ ମୋର ଦେଉଛି ବଳ;

ଏଇଠି ଯିଏ କରନ୍ତି ବାସ- ସକଳେ ମୋ ଭଉଣୀ ଭାଇ |

ସୁନ୍ଦର ମୋ ଭାରତ ଦେଶ ସୁନ୍ଦର ତା' ସବୁଜ ବନ-

ସୁନ୍ଦର ତା' ପାହାଡ଼ ନଈ | (1)

ଏହି ଦେଶର ପାଣି ପବନ ଗଢିଛି ମୋର ଦେହ ଜୀବନ,

ପାଇଛି ଯାହା ଦେଇଛି ମାଆ, ତା' ସାଥେ କା'ର ତୁଳନା ନାହିଁ |

ସୁନ୍ଦର ମୋ ଭାରତ ଦେଶ ସୁନ୍ଦର ତା' ସବୁଜ ବନ-

ସୁନ୍ଦର ତା' ପାହାଡ଼ ନଈ | |(2)

ଏହି ଦେଶର ପୁରୁଷ ନାରୀ, ସଭିଏଁ ମୋର ନିଜର ପରି;

ତାଙ୍କରି କୋଳେ ବଢିଛି ମୁହିଁ, କେତେ ଶରଧା ଭରସା ପାଇ |

ସୁନ୍ଦର ମୋ ଭାରତ ଦେଶ ସୁନ୍ଦର ତା' ସବୁଜ ବନ,

ସୁନ୍ଦର ତା' ପାହାଡ଼ ନଈ | (3)