ଦେଖ ଆଉ ଶିଖ

ଜୀବନରେ ବଡ଼ ମଣିଷ ହେବାକୁ

ଯେବେ ଚାହଁ ପିଲେ ଶୁଣ ଏକଥା 

ଦେଖି ଶୁଣି ଭଲ ଶିଖି କୁହ ଭଲ

ସତ କର୍ମେ ଥିର ରଖି କି ମଥା ।

ଦେଖିଲେ ଶିଖିଲେ ସେଥେ ଧ୍ୟାନ ଥିଲେ

ଆବଶ୍ୟକତାକୁ ନିଇତି ଲୋଡି଼

ନବ ଉନ୍ମାଦନା ନବ ଚେତନାରେ

ଆଗକୁ ଜୀବନେ ପାରିବ ବଢ଼ି ।

ଆଗ୍ରହ ପ୍ରଚେଷ୍ଟା ବାଟ କଢାଇବ

ଗୁରୁ, ପିତାମାତା ଆଶିଷ ବଳେ

ଉତ୍ସାହ ପ୍ରେରଣା ଲଭି ତାଙ୍କଠାରୁ

ଶ୍ରେଷ୍ଠ ବୋଲାଇବ ଭୂମଣ୍ଡଳେ ।

ଯେତେ ବି ବାଧକ ଠିଆହେଲେ ଆଗେ

ଅସୀମ ଧଇର୍ଯ୍ୟ ସାହସ ଧରି

କରିଗଲେ କର୍ମ ବିଭୁ ଚିନ୍ତନରେ

ଆପେଆପେ ଯିବ ତା' ଅପସରି ।

ସର୍ବଦା ବିଜୟ ସତ୍ୟ ଧରମର

ଅସତ୍ୟ ଅଧର୍ମ କରିକି ନାଶ

ପ୍ରଜ୍ଞାକୁ ବଢ଼ାଇ ସ୍ଥିରବୁଦ୍ଧି ହୋଇ

ଜୀବନକୁ ଦିଅ ସୁଖ ପରଶ ।