ଦେବୀ ବାସନ୍ତୀ

ବସନ୍ତ ଆଗମନେ ଧରାରେ ଦେବୀ

ଦୁର୍ଗା କାଉଁରୀ ରୂପେ ପାଦକୁ ସେବୀ ଯେ l

ଚୈତ୍ରମାସେ ବାସନ୍ତୀ ଚଣ୍ଡୀକା ରୂପେ 

ରାମଚନ୍ଦ୍ର ଠାକୁର ମନରେ ଜପେ ଯେ l

ନବମୀର ତିଥି ରେ ପୀଠର ସ୍ଥଳେ

କମଳ ଦେଇକରି ପାଦର ତଳେ ଯେ l

କୃପାଭିକ୍ଷା କରିକି ସମର ଯାଏ

ଅଜୟୀ ରାବଣର ପ୍ରାଣକୁ ନିଏ ଯେ l

ଦୁର୍ଗାମାତା ଜୟନ୍ତୀ ଭୁବନେ -ଶ୍ୱରୀ 

ଦୁର୍ଗତିନାଶିନୀ ମା ତ୍ରିଶୂଳ ଧାରୀ ଯେ l

ଅଭୟ ପ୍ରଦାୟନୀ ମାଆଗୋ ତାରା

ଦୁଃଖ ବିନାଶନୀ ପାଳୁତୁ ଧରା ଯେ l

ସତ୍ୟ ସ୍ୱରୂପିଣୀ ମା ଅଧର୍ମ ତାରୁ 

ଧର୍ମର ସୁରକ୍ଷାରେ ଅସତ୍ୟ ମାରୁ ଯେ l

ଋତୁରାଜ ସ୍ପର୍ଶରେ ପ୍ରକୃତି ମାତା

ପୁଷ୍ପଭରା ସ୍ୱାଗତ ବାସନ୍ତୀ ମାତା ଯେ l

ନାନା ପୁଷ୍ପେ ମଣ୍ଡିତ ଧରିକି ଦେହେ

ମଲ୍ଲୀ ମାଳତୀ ଚମ୍ପା ମନକୁ ମୋହେ ଯେ l

ନବରାତ୍ରି ଦେବୀଙ୍କ ଧ୍ୟାନରେ ଭକ୍ତ

ତପ ବ୍ରତ ଯଜ୍ଞରେ ଆନନ୍ଦ ଚିତ୍ତ ଯେ l

ଆମ୍ବବନେ କୋଇଲି ମଧୁର ସ୍ୱରେ

ଉତ୍ସାହେ ଗୁଣ ଗାନ ତୁମର କରେ ଯେ l

ଶାନ୍ତି ପାଇଁ ସରବେ ପ୍ରଣତି ଢାଳୁ

ଆଶିଷ ଦିଅ ମାଗୋ ପ୍ରଦୀପ ଜାଳୁ ଯେ l