Exclusive FREE session on RIG VEDA for you, Register now!
Exclusive FREE session on RIG VEDA for you, Register now!

Bhabani Shankar Giri

Inspirational Others


3  

Bhabani Shankar Giri

Inspirational Others


ଦାଦନ ଦୁଃଖ

ଦାଦନ ଦୁଃଖ

1 min 171 1 min 171


 ଘୋର ଅର୍ଥାଭାବ ଜଳୁନି ଚୁଲି 

 ରହିଲାଣି ପେଟ ଓଳିଏ ଖାଲି I


          ଅସହ୍ୟ ହେଉଛି ପେଟର ଭୋକ 

          ଆସିଗଲା ମାଡି ଗଭୀର ଦୁଃଖ l


ପିଲା ଛୁଆ ପତ୍ନୀ ଆଖିରେ ଲୁହ 

ବାପା ମାଆ ହୃଦୟେ ଭର୍ତ୍ତି କୋହ l


          ଦାଦନ ଖଟି ଆସିଥିଲି ଧାଇଁ 

         ଘର ଲୋକଙ୍କୁ ଦାନା ମୁଠେ ପାଇଁ l


 କିଛି ଅର୍ଥ ଉପାର୍ଜନ କରିବି 

 ଆନନ୍ଦରେ ସଂସାର ଚଳାଇବି I


            ବହୁ ବନ୍ଧୁ ମେଳରେ ଚାଲିଗଲି 

             ସଦା କଠିନ ପରିଶ୍ରମ କଲି l


କାମ କରିଲେ ପାଉଣା ପାଇଲି 

ଦେହ ଅସୁସ୍ଥ ହେଲେ ହାତ ଖାଲି l


           ପାଇବା ଆଶାରେ ଦୁଇ ପଇସା 

          ବାହାରକୁ ଆସି ହେଲି ନିରାଶା l


ରୋଜଗାର ଠୁ ବେଶୀ ନିର୍ଯ୍ୟାତନା 

ବଢି ବଢି ଗଲା ଆମ ଯାତନା l


            ଲାଗି ରହେ ଅଭାବ ଅନଟନ 

           ଯନ୍ତ୍ରଣା ଦାୟକ ଆମ ଜୀବନ l


ଆମ ଦୁର୍ଦ୍ଦିନେ ନାହିଁ କେହି ସାହା 

ବିପଦେ କହନ୍ତିନି ପଦେ ଆହା l


            ଗରୀବର ନାହିଁ ଟିକେ ସମ୍ମାନ 

           ମରଣ ବାଟ ଚାହିଁ ବିତେ ଦିନ l


କେଉଁ ଜନ୍ମ ପାପ ବୋଲି ଦାଦନ 

ସବୁଠି ହୁଏ ଭାରି ହୀନିମାନ l


            ଶ୍ରମିକ ଶ୍ରମେ ଦେଶର ଉନ୍ନତି 

            ତଥାପି ସୁଧୁରୁନି ତାଙ୍କ ସ୍ଥିତି l


କାମ ମାଧ୍ୟମେ ଆମେ ସେବା କରି 

ଖୁସି ଭରି ଦେଉ ମନେ ସବୁରି l


         ନିଶ୍ଚେ ସେମାନଙ୍କୁ ସମ୍ମାନ ଦେବା 

         ଦେଶ ପ୍ରଗତିରେ ସାମିଲ ହେବା l


Rate this content
Log in

More oriya poem from Bhabani Shankar Giri

Similar oriya poem from Inspirational