Library
Profile
ରଜ
ରଜ
ବରଷା ଋତୁ କରେ ପ୍ରବେଶ
ଟାଣ ଖରାର ସମୟ ଶେଷ l
ଖୁସି ମୁହୂର୍ତ୍ତ ଏମିତି ଏକ
ଆଶ୍ୱସ୍ତ ହୁଅନ୍ତି ସବୁ ଲୋକ l
ଆଷାଢ଼ର ପହିଲି ଦିବସ
ଚାରିଆଡେ ଆନନ୍ଦ ଉଲ୍ଲାସ l
ରଜ ସଙ୍କରାନ୍ତି ଏହି ଦିନ
ଓଡ଼ିଆ ଘରେ ହୁଅଇ ପାଳନ l
ତିନି ଦିନ ମାହୋଲ ନିଆରା
ପର୍ବ ଏହି ଆମ ଅପାସରା l
ନୂଆ ବସ୍ତ୍ର ସହ ପିଠା ପଣା
ଝଲସି ଉଠେ ଘର ଅଗଣା l
&
nbsp; ପୂଜା ସାରି ସ୍ବାଦିଷ୍ଟ ବ୍ୟଞ୍ଜନ
ସପରିବାରେ ଚାଲେ ଭୋଜନ l
ତାସ, ପସା, ବଲ, କାତି ଖେଳ
ମଜା ଆସେ ସାଙ୍ଗ ସାଥି ମେଳ l
ଖିଲି ପାନ ଖାଇ ଦୋଳି ଝୁଲି
ସବୁ ଏକ ଭେଦ ଭାବ ଭୁଲି l
ଗ୍ରୀଷ୍ମ ଛୁଟିର ଶେଷ ସୋପାନେ
ବହୁ ଖୁସି ଆଣେ ପିଲା ମନେ l
ଵାର ମାସରେ ତେର ପରବ
ଓଡ଼ିଶାର ଗରବ ଗୌରବ l
ଏଥର ସିନା କରୋନା ବୋଲି
ପ୍ରଭାବ ଟିକିଏ କମ ଖାଲି l
ତଥାପି ଯିଏ ଯେମିତି ହେଲେ
ରଜ ପାଳିବେ ବହୁତ ଭଲେ l
