ଜହ୍ନ

             

ଆଈ ମାଆର ଜହ୍ନ ମାମୁଁ କାହାଣୀ

ପିଲେ ଆନନ୍ଦିତ ହେଉଥିଲେ ଶୁଣି I

ଜହ୍ନ ମଧ୍ୟେ ଠେକୁଆ ଚିହ୍ନ ଦେଖାଇ

କେତେ ସରାଗେ ଦେଉଥିଲେ ଶୁଆଇ I

ଜହ୍ନ ମାମୁଁଙ୍କର କଥା କହି ସଦା

ଅଝଟିଆ ପଣ କରୁଥିଲେ ବିଦା I

ମନୋରମ୍ୟ ସୁମଧୁର ଜ୍ୟୋତ୍ସ୍ନା ରାତି

      ରହିଛି ଯହିଁ କେତେ ଅଭୁଲା ସ୍ମୃତି l

       ଆଜି ବି ଉନ୍ନତ ବିଜ୍ଞାନ ଯୁଗରେ

ସେ ଗପ ଆଦର କହିଲେ ନସରେ I

ଖେଳନା ମୋବାଇଲ ଦୂରଦର୍ଶନ

ଗପର ମଜାକୁ କରିଛି ମଳିନ I

ସେଇ ଗପରୁ ପାଇ ଦିଗଦର୍ଶନ

ଜ୍ଞାନ ପାଇଁ ବିଜ୍ଞ ଜନେ ଦେଲେ ମନ l

ଅତୀତ କାଳ ଆଈ ମାଆ କଳ୍ପନା

ଗବେଷକ ପାଇଁ ସାଜିଲା ପ୍ରେରଣା l

ପୃଥିବୀର ଉପଗ୍ରହ ଚନ୍ଦ୍ର ସେଇ

ନର ଉଡ଼ାଜାହାଜେ ଫେରିଲା ଯାଇ l

ଠେକୁଆ ନୁହେଁ ଭୌଗୋଳିକ ଅବସ୍ଥା

ପ୍ରମାଣ କଲା ଆୟୁର୍ବିଜ୍ଞାନୀ ସଂସ୍ଥା I

ଗବେଷଣାରୁ ବହୁ ତଥ୍ୟ ଆସିବ

ବୈଜ୍ଞାନିକଙ୍କ ସ୍ବପ୍ନ ପୂରଣ ହେବ !

ଆଗକୁ ବାସ କରି ଚନ୍ଦ୍ର ପୃଷ୍ଠରେ

ଲୋକେ ରହିବେ ଭାରି ହସ ଖୁସିରେ !

ଗପର ପୂର୍ଣ୍ଣଛେଦ ଦିନେ ପଡିବ

 ଆଈ ମାଆ କାହାଣୀ ସାର୍ଥକ ହେବ !