ଆମେ ସ୍ୱାଧୀନ ତ !

    

 କାଗଜ କଲମେ ଆମେ ସ୍ୱାଧୀନ 

 ବାସ୍ତବେ କିନ୍ତୁ ଅଟୁ ପରାଧୀନ l

   

ଇଂରେଜରୂପୀ ଭାରତୀୟ ଯେତେ  

ନିରୀହଙ୍କୁ ଦାଉସାଧନ୍ତି କେତେ l

ଧନୀ ହୋଇ ଚାଲିଛି ଧନଵାନ 

ଗରିବ ହୁଏ ଭାରି ହୀନିମାନ l

ସଭ୍ୟ ଶିକ୍ଷିତ ସମାଜେ ବି ଆଜି 

ନାରୀ ଅତ୍ୟାଚାର ଅଛି ବିରାଜି l

କନ୍ୟା ଭୃଣ ନଷ୍ଟ ଆରମ୍ଭ କରି 

ଦୁଷ୍କର୍ମ,ହତ୍ୟାକାଣ୍ଡ ଚିନ୍ତା ଭାରି l

ଅନ୍ୟାୟ ଅଧର୍ମ କାର୍ଯ୍ୟରେ ନିତି 

ଅନେକଙ୍କ ବିତୁଛି ଦିନ ରାତି l

ବଢିଛି ସିନା ଶିକ୍ଷାର ପ୍ରସାର 

ନୈତିକତା ଗୁଣ ନାହିଁ କାହାର l

ଶିଶୁ ଶ୍ରମିକ ପ୍ରଥା ପ୍ରଚଳିତ 

ଦେଖି ହୁଅଇ ମନ ବିଚଳିତ l

ସ୍ୱାସ୍ଥ୍ୟ ସେବାରେ ସମସ୍ୟା ଅନେକ

ଗୁଣି ଗାରେଡିରେ ମରନ୍ତି ଲୋକ l

ପୁଣି ଅନ୍ଧ ବିଶ୍ୱାସ କୁସଂସ୍କାର 

ବହୁ ସ୍ଥାନରେ ଅଛି ଭରପୁର l

ମୌଳିକ ଅଧିକାର ଦିଗହରା 

ଦୁସ୍ଥ ମଳିମୁଣ୍ଡିଆ ବେସାହାରା l 

ଲୋକ ଆମେ ବିକଶିତ ଦେଶର 

କିନ୍ତୁ ଅଭାବ ଏଇଠି ଶାନ୍ତିର l

ସ୍ୱାର୍ଥ ପଛରେ ପଡି ନର ଜାତି 

କରନ୍ତି ଅନ୍ୟର ଅଶେଷ କ୍ଷତି l

ଇଏ କି ପ୍ରକାର ଆମେ ସ୍ୱାଧୀନ 

ମନରେ ଉଠଇ ଏମିତି ପ୍ରଶ୍ନ !