ଛନ୍ଦହୀନ ଜୀବନ

          

ଜୀବନ ଯେ ଅଙ୍କାବଙ୍କା ବାଟଟିଏ 

         କେତେ ଉଠି ପଡି ଚାଲିବାକୁ ହୁଏ ।

 ଛାଇ ଆଲୁଅର ଲୁଚକାଳି ଖେଳ 

         ଦୁଃଖ ପରେ ସୁଖର ଅପୂର୍ବ ମେଳ ।

ଧର୍ମ ପଥେ କର୍ମ କରି ଚାଲିଥିଲେ 

          ସହଜେ ବିପଦ ନପଡ଼ଇ ଭଲେ ।

ଅନ୍ୟାୟ ଅନୀତିକୁ ଦେଲେ ପ୍ରଶୟ 

       ନିଶ୍ଚେ ଦିନେ ଅକାଳେ ହେବ ବିଲୟ ।

ସତ୍ୟ ନ୍ୟାୟର ସଦା ହୁଏ ବିଜୟ 

          ପାପ କର୍ମ ପ୍ରତି ରଖିଥିବା ଭୟ ।

ସମୟକ୍ରମେ ସବୁ କର୍ମ ହିସାବ 

            ସୁଧମୂଳ ସହ ଆମକୁ ମିଳିବ ।

କୁକର୍ମ କରି ହେବ ନାହିଁ ମୁକୁଳି 

         ଚାରିପାଖେ ଆମ ପ୍ରଭୁଙ୍କ ଶିକୁଳି ।

ଇଶ୍ୱରଙ୍କ ଆଶୀର୍ବାଦ ବିନା ଜାଣ 

        ଜୀବନର ମାନ ହୋଇଯିବ ଗୌଣ ।

ଏହି କଥା ଯେତେ ମର୍ମେ ମର୍ମେ ହେଜି 

          କର୍ତ୍ତବ୍ୟ କରିବା ସବୁ ବୁଝି ସୁଝି ।

ସୁକର୍ମ କଲେ ଭଲ ଫଳ ପାଇବା 

          ହସ ଖୁସିରେ ଜୀବନ ବିତାଇବା ।