,🪴ସଂସାର ବନ୍ଧନ 🪴

କାଉଁରୀ ମନ୍ତର ମାୟାର ବନ୍ଧନ 

ଭେଲ ହୁଏ ଭଲ ଦେଖଣା ନୟନ

ଅପାର ଆନନ୍ଦେ ବିମୋହିତ ମନ

ନିଜକୁ ଭୁଲେ ସେ ନିଜେ କିଛି କ୍ଷଣ !

ସଂସାର ବନ୍ଧନ ବନ୍ଧନେ ନିମଗ୍ନ 

ଜୀବନର ମାର୍ଗେ କୁହେଳିକା ସମ 

ଲୋଭ ମାୟା ମୋହ ମାତ୍ସର୍ଯ୍ୟ ଓ ମଦ 

ବାନ୍ଧେ ଚାରି ଦିଗୁଁ ରଚି ମାୟା ଫାନ୍ଦ !

ଅଥଳ ସାଗରେ ଥଳ କେବେ ପାଏ

ସଂସାର ସାଗରେ ଥଳ ତ ନ ଥାଏ

ପିତାମାତା ଭ୍ରାତା ପୁତ୍ର ସ୍ତ୍ରୀ ଦୁହିତା 

ମମତା ରଜ୍ଜୁରେ ମନ ବନ୍ଧା ସଦା !

ଛଣ ପଟ ରଜ୍ଜୁ ଲୁହାର ଶିକୁଳି 

ଦିନେ ଛିଡି ଯାଏ ତୁଟାଇ ତା ଶିରି 

ମମତାର ଡୋରି ତହୁଁ ଶକ୍ତ ଭାରି 

କେବେବି ଛିଣ୍ଡେନା ଗଲେ ଆର ପୁରି !

ସଂସାର ବନ୍ଧନ ତୁଟେ ନାହିଁ ହେଲେ

ସେ ସଂପର୍କ ତୁଟେ ସ୍ବାର୍ଥ ସାଉଁଟିଲେ

ଶ୍ରାଦ୍ଧ କି ତର୍ପଣେ ଜୟନ୍ତୀ ପାଳନେ

ବନ୍ଧନ ବାନ୍ଧେ ଯେ ଔରସରୁ ଜନ୍ମେ !