Library
Profile
ଏକ ନାରୀ ଭିନ୍ନ ରୂପ
ଏକ ନାରୀ ଭିନ୍ନ ରୂପ
ସମାଜରେ ନାରୀ ଭିନ୍ନ ଭିନ୍ନ ରୂପେ
ଜୀବନ ଧାରଣ କରେ,
କେତେବେଳେ ସିଏ ଅଭୟ ଦାୟିନୀ
କେତେବେଳେ ଧ୍ବଂସ ଭରେ |
ଯୁଗେ ଯୁଗେ ନାରୀ ଅବୋଧ୍ୟ ସଂସାରେ
ସ୍ୱାର୍ଥ କିମ୍ବା ତ୍ୟାଗ ଭରେ |
କେତେବେଳେ କୁନ୍ତୀ କେବେ ବି ସାବିତ୍ରୀ
ସମ ହୁଏ ଜୀବନରେ |
କେବେ ମାଆ ସିଏ କେବେ ମାୟାବିନୀ
ଛଳନାର ପ୍ରତିମୂର୍ତ୍ତି,
କେବେ ମମତାରେ ଛଳ ଛଳ ସିଏ
କେବେ ପ୍ରତିଶୋଧ ମତି |
ମାଆଟିଏ ହୋଇ ସନ୍ତାନ ପାଇଁ ଯେ
ଜୀବନ ଉତ୍ସର୍ଗ କରେ,
ଯଦି ଏକାଧିକ ସନ୍ତାନ ଥାଆନ୍ତି
ଭିନ୍ନ ସ୍ନେହ ବାଣ୍ଟିବା
ରେ |
ସେହି ମାଆ ଦିନେ ଶାଶୁ ହୋଇଥାଏ
ପୁଅ ଯେବେ ବାହା ହୁଏ,
ପୁଅ ପରି ସ୍ନେହ ପାଏ ନାହିଁ ବୋହୂ
ପର ଝିଅ ପରା ସିଏ |
ନିଜର ପତ୍ନୀକୁ ପୁଅ ଯେବେ ସଦା
ଅନାବିଳ ପ୍ରୀତି ଦିଏ,
ପତ୍ନୀ ମନ ନେଇ ସବୁ କାମ କରେ
ଯାଏ ନାହିଁ ମାଆ ଦେହେ |
ଅଧିକାଂଶ ନାରୀ ବୋହୂକୁ ନିଜର
କରନ୍ତିନି ଝିଅ ସମ,
ବୋହୂର ସାମାନ୍ୟ ତ୍ରୁଟି ବଡ଼ ହୁଏ
ନଥାଏ ଯା' ସମାଧାନ |
ଏମିତି ବି କିଛି ଶାଶୁ ଦୁନିଆରେ
ଅତି ସ୍ନେହୀ ବୋହୂ ପାଇଁ,
ସେହି ପରିବାର ବୈକୁଣ୍ଠ ସମାନ
ମମତାର ଦିବ୍ୟ ଭୂଇଁ |
