ବୀରପ୍ରସୂ ଭାରତ ମାତା

  

ବୀର ପ୍ରସବିନୀ ମୋ ଭାରତ ମାଆ

    ଇତିହାସ ସଦା ଗର୍ବିତେ ଗାଏ,

ବିଦେଶୀ ଶାସକ ସବୁ ପରାଜିତ

   ଭାରତ ସର୍ବଦା ବିଜୟ ବହେ |

ଛତ୍ରପତି ଦିନେ ନିଜ ବୀରତ୍ୱରେ

    ମୋଗଲ ଶାସନ ଥରାଇ ଥିଲେ,

ରାଣୀ ଲଷ୍ମୀବାଈ ଥିଲେ ବୀରାଙ୍ଗନା

   ଇଂରେଜ ବିରୁଦ୍ଧେ ଅସ୍ତ୍ର ତୋଳିଲେ |

ନେତାଜୀ ସୁଭାଷ ବିଦେଶ ମାଟିରୁ

  ଦିଲ୍ଲୀ ଚଲୋ ବୋଲି ଦେଲେ ଆହ୍ୱାନ ,

ଥରି ଯାଇଥିଲା ଇଂରେଜ ଶାସନ

   ଦେଖି ଭାରତର ଦୀପ୍ତ ସେଦିନ |

ପଞ୍ଜାବ ମାଟିରେ ଜନ୍ମ ନେଇଥିଲେ

   ଭଗତ, ଉଦ୍ଧାମ ପରି ସନ୍ତାନ,

ଖେଳିଥିଲେ ହୋଲି ଇଂରେଜୀ ରକତେ

    ପ୍ରତିହିଂସା ପାଇଁ ଜାଳି ଜୀବନ |

ଭାରତ ମାଟିର କୋଣେ ଅନୁକୋଣେ

    ଜନ୍ମିତ ଯେତେ ବୀର ଜବାନ,

ଶତ୍ରୁ କବଳରୁ ଦେଶର ସୁରକ୍ଷା 

     କରି ବଳିଦାନ ଦିଏ ଜୀବନ |