ଗୁରୁ

ଗୁରୁ ଶିଷ୍ୟଙ୍କ ସମ୍ପର୍କ ନିଆରା 

ବହୁ ପୁରୁଣା ଏହି ପରମ୍ପରା l

     ସବୁ କାରଯେ ଲୋଡ଼ା ଗୁରୁଜ୍ଞାନ 

     ପହଞ୍ଚିବାକୁ ହେଲେ ଶୀର୍ଷ ସ୍ଥାନ l

ମିଳିଲେ ତାଙ୍କର ଶୁଭାଶିର୍ବାଦ 

ଲାଘବ ହୁଏ ସକଳ ବିପଦ l

      ବିକଳ୍ପ ନାହିଁ ଗୁରୁ ଅବଦାନ        

     ମନେ ରଖିବା ଏହା ଆଜୀବନ l

 

ସେପ୍ଟେମ୍ବର ପାଞ୍ଚ ଗୁରୁ ଦିବସ 

ଶିକ୍ଷାନୁଷ୍ଠାନେ ଆନନ୍ଦ ଉଲ୍ଲାସ l

     ଗୁରୁ ପାଇଁ ଏହା ବିଶେଷ ଦିନ 

     ଶିଷ୍ୟ ପାଳନ୍ତି ଦେଇ ମନପ୍ରାଣ l

ଗୁରୁଙ୍କ ସକାଶେ ଆମେ ଶିକ୍ଷିତ 

ସମାଜ ହୋଇଛି କେତେ ଉନ୍ନତ l  

      ଗୁରୁ ଅଟନ୍ତି ସାକ୍ଷାତ ଇଶ୍ୱର 

      ସେବା ଭକ୍ତି କରିବା ନିରନ୍ତର l

ପୂଜିବା ନିଇତି ଫୁଲ ଚନ୍ଦନେ 

ତେବେ ମଙ୍ଗଳ ହୋଇବ ଜୀବନେ l

      ଗୁରୁଙ୍କ ପାଇଁ ଆଜି ମୁଁ ଗର୍ବିତ 

      ଭାବିଲେ ଝରେ ଅଶ୍ରୁ ଅବିରତ l

ଭଲରେ ଥାଅ ଗୁରୁ କୂଳ ମୋର 

ଡାକୁଅଛି ପ୍ରଭୁଙ୍କୁ ବାରମ୍ବାର l