ନିଶା

        ନିଶା 

ସିଗାରେଟ ନୁହେଁ ଛୋଟିଆ ନିଶା 

ବିପଦ ଆଣି କରେ ଲୋକ ହସା ।

ଦୁଃଖ ଭୁଲିବାକୁ କରି ଅଭ୍ୟାସ                    

ନିଜେ ବେକେ ଲଗାଏ ଫାଶ ।

ସାଙ୍ଗ ସାଥି ମେଳେ ନିଶା ଆଦର 

ମିଳେ ଆନନ୍ଦ ଅଲଗା ପ୍ରକାର ।

ନିତି କରଇ ଯେ ନିଶା ସେବନ 

ହୁଅଇ ସିଏ ଭାରି ହୀନିମାନ ।

ବିଭିନ୍ନ ରୋଗରେ ପୀଡିତ ହୋଇ 

Advertisement

p>

ମେଡିକାଲ ଧାଏଁ ଚିକିତ୍ସା ପାଇଁ ।

ଖର୍ଚ୍ଚ କରି ବି ପ୍ରାଣ ଚାଲି ଯାଏ 

ଘର ଲୋକ ବହୁ ଯନ୍ତ୍ରଣା ପାଏ ।

ନିଶା ଅଭ୍ୟାସ ବହୁତ ପ୍ରଖର 

ତା' ପାଖରୁ ବର୍ତ୍ତିବା କଷ୍ଟକର ।

ଅକାଳ ମୃତ୍ୟୁ ନିଶ୍ଚିତ ଆସଇ 

ଜୀବନେ ସୁଖ କେବେ ନମିଳଇ ।

ସିଗାରେଟ ଧୂଆଁ କ୍ଷତିକାରକ 

ପାଖ ଲୋକ ସକାଶେ ମାରାତ୍ମକ ।

ମୃତ୍ୟୁ ପରେ ମଧ୍ୟ୍ୟ ମୁଣ୍ଡ ଖପୁରି 

ସଦା ସିଗାରେଟକୁ ହୁଏ ଝୁରି ।

ସର୍ବଦା ନିଶାରୁ ଦୂରେ ରହିବା 

ଆନନ୍ଦ ଉଲ୍ଲାସେ ଭଲେ ଜୀଇଁବା ।