Library
Profile
ସେବା
ସେବା
ମାନବର ସେବା ଯେ ମାଧବ ସେବା
ସମସ୍ତଙ୍କ ସେବାକର
ସମାଜ ସେବାଟି ଭଗବତ୍ ସେବା
ତାକୁ ଗଣ୍ଠିଧନ କର ।
ସେବା ତଡିଦିଏ ମନରୁ ଗରବ
ଜୀବନ ହୁଏ ପବିତ୍ର
ମନେ ଭରିଦିଏ ସ୍ନେହ ପ୍ରେମଆଦି
ମନୁ ମୋହ ହୁଏ କ୍ଷୟ ।
ସେବା ମାଧ୍ୟମରେ ପହଞ୍ଚେ ମନୁଷ୍ୟ
ଜୀବନର ଲକ୍ଷ୍ୟ ପାଶେ
ଜପ ଧ୍ୟାନ ପୂଜା ପୋଥି ଓ ପୁରାଣ
ଜ୍ଞାନ ନ ପାରଇ ତେତେ ।
ସେବାପାଇଁ ଯେବେ ସାହାଯ୍ୟର ହାତ
ବଢାଅ ନିସ୍ବାର୍ଥ ଭାବେ
ଈଶ୍ବର ଦେଖି ଖୁସି ହୋଇ ଥାଆନ୍ତି
ଆଶୀଷ ଦିଅନ୍ତି ତେବେ ।
ଭାବନାହିଁ କେବେ ତୁମ ସେବା ଯୋଗୁଁ
ପୃଥିବୀ ବଦଳିି ଯିବ
ସ
େବାର ଫଳରେ ତୁମରି ଭିତରେ
ସଂସ୍କାରରେ ଭରିିି ଯିବ ।
ସେବା ଯୋଗୁଁ ମିଳେ ଅପାର ଆନନ୍ଦ
ଦିବ୍ୟାନନ୍ଦ ମିଳିଯାଏ
ବିଭୁ ଉପହାର ତୁମ ମାଧ୍ୟମରେ
ସତରେ ଯେ ମିଳିଯାଏ ।
ପରହିତ ଲାଗି ସେବାକରେ ଯିଏ
କୃପାପାଏ ପ୍ରଭୁଙ୍କର
ସେବା ସାଧନାରେ ବ୍ୟସ୍ତରହେ ଯିଏ
ତା ଦାୟିତ୍ବ ପ୍ରଭୁଙ୍କର ।
ଗାାନ୍ଧି ଗୋପବନ୍ଧୁ ମଦର ଟେରେସା
ସ୍ବାର୍ଥହୀନ ସେବାଦେଇ
ନମସ୍ୟ ସେମାନେ ବିଦିତ ଜଗତେ
କି ଦେବା ଉପମା ଭାଇ ।
ଅନ୍ୟକୁ ସାହାଯ୍ୟ କରୁଥାଅ ନିତି
ଆଘାତ କରନା କାରେ
ଜୀବନେ ଚରମ ଲକ୍ଷ୍ୟର ନିକଟେ
ସେବା ଘେନେ ନିରନ୍ତରେ ।
