ଢଳମଳ

ଉଚ୍ଛନ୍ନ ଦେଉଳ ଦେବ ବିଜେ ସ୍ଥାନ

ଚନ୍ଦନ ରଥ ଝୁଲଣ

ମଉନ ଈଶ୍ୱର ଗୁରୁ ବ୍ରହ୍ମା ବିଷ୍ଣୁ

ଚଉଧୂରୀ ବୁଦ୍ଧି ଶୂନ୍ୟ ।

ଓଲେଇ ବିଲେଇ ଶିକାକୁ ଛିଣ୍ଡେଇ

ଖାଉଛି ମାମୁଲି ଭୋଗ

ଭକୁଆ ଚାନ୍ଦିନୀ ଚକା ଚଉପାଡି

କହ୍ନେଇ ମନ ବିଷାଦ ।

ଆଖି ବୁଜି ପୁଷି ପିଇଯାଏ କ୍ଷୀର

ଚାଟଇ ଲବଣୀ ସର

ମଟ ମଟ କରି ଚାହିଁ ଦେଖୁଛନ୍ତି

ସୁଦାମା କୃଷ୍ଣ ସୁବଳ ।

ତୋଳିଛନ୍ତି ଛତ୍ର ଚଣ୍ଡାଳ ମୁରୁଖ

ସାଲୁବାଲୁ ବିଛୁଆତି

ଉତ୍ତାଳ ନକଲି ଆଚାର୍ଯ୍ୟ ଚୈ।ଧୁରୀ

କଳିକାଳ ମନ୍ଦଗତି ।

କେଶବ ଗୋପାଳ ଖାଣ୍ଟି ଗୋପାଳିଆ

ମେଲଣ କୁସୁନା ହାଟ

ଖାଉନି କଦଳୀ ବିଚରା ଖବିଷ

ଆଜି ସମାଜଟା ଖୁଣ୍ଟ ।

ସାତତାଳ ପଙ୍କ ପଦୁମ ପୋଖରୀ

ଘରର ଢିଙ୍କି କୁମ୍ଭୀର

ସୁବର୍ଣ୍ଣ ପେଟିକା ଭିତରେ ନିବୁଜ

ଭଗବାନ ଢଳମଳ ।