ଲାଇବ୍ରେରୀ
ପ୍ରୋଫାଇଲ୍
ମଣିଷ ଭଳି ମୁଁ ମଣିଷ ଟି
ମଣିଷ ଭଳି ମୁଁ ମଣିଷ ଟି
1 min
291
ମଣିଷ ଭଳି ମଣିଷ ଟିଏ ମୁଁ
ଶ୍ରମ ଟି ଜୀବିକା ମୋର
ଦିନ ଅବା ରାତି ସକାଳ କି ସଂଜ
ଝାଞ୍ଜି ଖରା ତାତି ବରଷା ର ଧାର
କେଉଁ ଥି ନାହିଁ ଡର
ଶ୍ରମେ ଥାଏ ତତପର
ଶ୍ରମ ଟି ଜୀବିକା ମୋର।
କର୍ମ କୁ ମୋହର ଭଗବାନ ମଣି
କରିଥାଏ କାମ ମୋର
କର୍ମ ରେ ବିମୁଖ ହୁଏ ନାହିଁ କେବେ
ଶ୍ରମ ଟି ଈଶ୍ୱର ମୋର
କ୍ଷୁଧା ପିପାସା ରେ ଜଳିଲେ ମୋ ତନୁ
ସେଥିକୁ ନାହିଁ ଖାତର।
ଶ୍ରମ ଟି ଜୀବିକା ମୋର....
ଶ୍ରମ ର ସ୍ୱରୂପ ମିଳେ କେବେ ଗାଳି
ପୁଣି କେବେ କରତାଳି
ଶୁଖିଲା ମୁହଁ ରେ କେବେ ଫୁଟେ ହସ
ନେତ୍ରୁ ଅଶ୍ରୁ ପଡେ ଝରି
ନିନ୍ଦା ରେ ହୁଏନି ବିମୁଖ ମୁଁ କେବେ
ପ୍ରଶଂସା ରେ ରହେ ସ୍ଥିର।
ଶ୍ରମ ଟି ଜୀବିକା ମୋର.....
କେବେ ଜଳେ ଚୁଲି କେବେ ପେଟ ଖାଲି
ନିଦ ଆସେନି ଆଖିକୁ
ପାଞ୍ଚ ପ୍ରାଣୀ ମୋର କୁଟୁମ୍ବ ପାଳନେ
ସାକ୍ଷୀ ଦିଏ ଠାକୁରଙ୍କୁ
ସକାଳ ସଂଜ ରେ ରାତିର ଶେଯ ରେ
ଜଣାଏ ଗୁହାରୀ ମୋର
ଶ୍ରମିକ ଟେ ବୋଲି ନ କରନ୍ତୁ ପର
ସହାୟ ହୁଅନ୍ତୁ ମୋର।
ଶ୍ରମ ଟି ଜୀବିକା ମୋର.... ll
