ଜଗନ୍ନାଥ ହେ ତୁମେ

ଜଗନ୍ନାଥ ହେ ତୁମେ କେଡ଼େ ସୁନ୍ଦର

   ଜଗନ୍ନାଥ ହେ

ଚକା ଚକା ଆଖି ଅଧା ଚାନ୍ଦ ମୁଖ

ଚକା ଚକା ଆଖି ଅଧା ଚାନ୍ଦ ମୁଖ

 ମୋହି ନିଅ ଭକ୍ତ ହୃଦ କନ୍ଦର।

    ଜଗନ୍ନାଥ ହେ,,,,,,,,

ଆହା କେଡେ ଶୋଭା ମୁନି ଜନ ଲୋଭା

 ଅପରୂପ କାନ୍ତି ଅଟେ ତୁମର

ହାତ ନ ଥାଇ ବି ଚଉ ବାହା ମେଲି

  ଜାଚି ଦେଉଅଛ ଅଭୟ ବର

ସାରା ଜଗତରେ ପଡ଼ି ଅଛି ହୂରୀ

ସାରା ଜଗତରେ ପଡ଼ି ଅଛି ହୁରୀ

 ଜଗବନ୍ଧୁ ପରା ନାମେ ତୁମର।

   ଜଗନ୍ନାଥ ହେ,,,,,,

ଅନାଥ ର ନାଥ କାଳିଆ ସାଆନ୍ତ

 କେ ହେବ ଗୋସାଇଁ ତୁମରି ପରି

ଭକତ ପାଇଁ କି କରୁଣା ଭଣ୍ଡାର

 ଦେଇଥାଅ ପରା ସର୍ବଦା ଖୋଲି

ଭାବକୁ ନିକଟ ଅଭାବ ରେ ଦୂର

ଭାବକୁ ନିକଟ ଅଭାବ ରେ ଦୂର

 ଏହି ପରା ପ୍ରଭୁ ନୀତି ତୁମ୍ଭର।

  ଜଗନ୍ନାଥ ହେ ତମେ କେଡେ ସୁନ୍ଦର

   ଜଗନ୍ନାଥ ହେ ।