ଅନନ୍ତ ଗୋସାଇଁ ଙ୍କୁ ଜଣାଣ

ଦୟାର ସାଗର

ଦରଦୀ ଦେବତା

ପ୍ରଭୁ ଅନନ୍ତ ଗୋସାଇଁ ।

ଶତ ସ୍ୱରଗର

ତାପ ନାଶନ ତୁ

ଶାରଦେ ଜଗତ ସାଇଁ ।

ସକଳ ପ୍ରାଣ ର

ମନ୍ଦାକିନୀ ଧାର 

ନିର୍ଝରେ ତୋହରି ପାଇଁ ।

ନର ଲଭେ ତହୁଁ

ଶାନ୍ତି ମୁହୁ ର୍ମୁହୁ

ଧରାରେ ଅଶାନ୍ତି ନାହିଁ ।

ଫୁଲ ର ମଧୁର

ବାସ ସୁବାସ ର

ଚତୁର୍ଦିଗେ ଚହଟଇ

ତୋହରି ଦୟା ରେ

ପୁଲକେ ହିୟା ତ 

ଅନ୍ତର ରେ ରହି ରହି ।

ବିପଦ ବାନ୍ଧବ

ଜଗତ ଠାକୁର

ପରମ ଦେବତା ତୁହି ।

ଯାହା ପାଇଁ ଯାହା

ଲୋଡ଼ା ଭବେ ତାହା

ଯୋଗାଇଛୁ ଆମ ପାଇଁ ।

ଶାରଦ ଗଗନେ

ବିମଳ ଚନ୍ଦ୍ରିକା

ହର୍ସଦ ମୁଖେ ଚାହଁଈ ।

ଦର୍ଶନେ ପୀରତି

ଆଛାଦଇ ସ୍ମୃତି

ତୁ ମୋର ପରାଣ ସାଇଁ ।

ଧର୍ମାଧିକରଣେ

ଦିଅ ହେ ସାହସ

ସତ କର୍ମ କରେ ମୁହିଁ ।

ଦୁସ୍କୃତି ଦମନ

ସୁକୃତି ପାଳନ

କରେ ମୁଁ ଅନନ୍ତ ସାଇଁ ।

ପ୍ରଣାମ କରଇ

ତୋର ପାଦେ ମୁହିଁ

ଅଭାଗା ଜନ ଅଟଇ ।

ତୋହରି ସଂସାର

ତୁହି ରକ୍ଷା କର

ହରି ହର ବ୍ରହ୍ମା ତୁହି ।