ଦୁଃଖ ପରେ ସୁଖ ଦୁନିଆ ରୀତି
ଦୁଃଖ ପରେ ସୁଖ ଦୁନିଆ ରୀତି
ଦୁନିଆ ବୁକୁରେ ଘର କରିଛନ୍ତି
କର୍ମ ଅନୁଯାୟୀ ଫଳକୁ ଲଭି
କାଳ କାଟୁଥିବା ସୁଖେ ଅବା ଦୁଃଖେ
ହସ ଆଉ ଲୁହକୁ ଅନୁଭବି ।
ଶୀତ ପରେ ମଧୁମାସ ଆସିଥାଏ
ତନୁମନରେ ଅପୂର୍ବ ମହକ
ସେମିତି ଦୁଃଖଟା ଉହାଡ଼ ହୋଇଲେ
ସୁଖ ଦିଶିବନି କି ଝକମକ ?
ଦୁଃଖ ସମୟରେ କାଠି ଖଣ୍ଡେ ସମ
ନିଜର ମନକୁ ନକରି କେହି
ମନ ସହ ନିଜ ଅସ୍ଥି ମଜ୍ଜା ରକ୍ତ
ବିଡ଼ାଟେ ବାନ୍ଧି ରଖିବା ସଜାଇ ।
ଭାଙ୍ଗି ପଡ଼ିବାନି କୌଣସି ବିପଦେ
ସାହସ ଦମ୍ଭରେ ଦୃଢ଼ ହୃଦୟ
ବୁଦ୍ଧି କଉଶଳ ଯେବେ ସାଥେ ଥିବ
ଅନ୍ଧାର ହଟି ସୂରୁଜ ଉଦୟ ।
ଯେତେବେଳେ ଯାହା ଘଟି ଯାଉଥିବ
ଶୋଚନା ନକରି ତେଜିକି ଭୀତି
ଚଳି ଯାଉଥିବା ବୁଝକଟେ ଭଳି
ଦୁଃଖ ପରେ ସୁଖ ଦୁନିଆ ରୀତି ।