Library
Profile
ଚଉପଦୀ ଧର୍ମୀୟ-59
ଚଉପଦୀ ଧର୍ମୀୟ-59
1 min
121
ଚଉପଦୀ
(ଧର୍ମୀୟ ଓ ରାଗାନୁଗା ଭକ୍ତିମୂଳକ)
ରାଗ – ପୂରବୀ – ଆଠତାଳି
କିଣା ପରା ନିକୁଞ୍ଜ-ବିଳାସୀ, ରେ ବୀଣାଭାଷୀ (0)
ବାମନୟନା ରେ, କଲୁ କି ନିରାଶ, ଶ୍ୟାମ ଶ୍ରୀମୁଖେ ତ ନାହିଁ ଆଉ ହାସ
ଝାମ ନ ଯାଉ ସେ ଏବେ ରଦବାସ, ଚଖାଇ କର ଉଲ୍ଲାସୀ ରେ (1)
କଳନା କର ତ କି ଅପରାଧରେ, ଲଳନାମଣି ବଳନା ଏ ବିଧିରେ
ଜଳଜାକ୍ଷ ଚାଲ ଚାଲ ତୁ ସଧୀରେ, ଦରହାସ ପରକାଶି ରେ (2)
କାହିଁ ଛପିଅଛି ମୂରଲୀ ବାଜଣା, ନାହିଁଟି ଆଜ ତ ଶ୍ରୀଅଙ୍ଗ ମାଜଣା
ଚାହାଁ ସହିଅଛି ସହି ! ତୋ କରୁଣା, ବୀଣାଜିଣା ମୃଦୁଭାଷୀ ରେ (3)
ଭଣେ କବିରବି ଶୁଣ ଏ କପଟ, କ୍ଷଣେ ବରାକ୍ଷୀ କର କୃପା ପ୍ରକଟ
ଜଣେ ତ ଅଟେ ସେ ନାଟୁଆମୁକୁଟ, ତା’ ଚରଣତଳେ ଦାସୀରେ (4)
କବିସୂର୍ଯ୍ୟ ବଳଦେବ ରଥ
