ମାଘ ମାହାତ୍ମ୍ୟ
ମାଘ ମାହାତ୍ମ୍ୟ
ମଘା ନକ୍ଷତ୍ରର ନାମଯେ ମାଘର
ପୁଣ୍ୟ ମାସ ମାଘ ମାସ
ପହଲି ବସନ୍ତ ଆଗମନେ ସେତ
ମାଘ ମାସେ ଶୀତ ଶେଷ ll
ଗଙ୍ଗାର ଜଳରେ ବିଷ୍ଣୁ ବାସ କରେ
ମାଘ ମାସେ ତୀର୍ଥ ସ୍ଥାନ
ପବିତ୍ର ପାବନୀ ପାତକ ନାଶିନୀ
ପ୍ରଭାତେ କରିଲେ ସ୍ନାନ ll
ମକର ମାସର ପ୍ରଥମ ଦିନର
ବୁଡ଼ ଗଙ୍ଗା ସାଗରର
ସ୍ନାନ କରି ଭକ୍ତ ପୂଜଇ ଆଦିତ୍ୟ
ସର୍ବ ପାପ ହରେ ହର ll
ମାଘ ତପ ବ୍ରତ ମାଧବେ ଆଶ୍ରିତ
ସ୍ୱର୍ଗ ପ୍ରାପ୍ତି ଭକ୍ତ ଜନ
ଆଳସ୍ୟ ବର୍ଜନ ନଦୀ ତୀରେ ସ୍ନାନ
ରବିଯେ ଉତ୍ତରାୟଣ ll
ବସନ୍ତ ପଞ୍ଚମୀ ମାତା ସରସ୍ବତୀ
ଧରାପୃଷ୍ଠେ ଆବାହନ
ପବିତ୍ର ତିଥିରେ ବରଦା ଆଶିଷେ
ଶୁଭ କର୍ମ ହୁଏ ଜାଣ ll
ମେଳା ପୁଣ୍ୟ ସ୍ଥାନ ଅନ୍ନ ବସ୍ତ୍ର ଦାନ
ରୋଗ ମୁକ୍ତି ସ୍ୱାସ୍ଥ୍ୟବାନ
ସୂର୍ଯ୍ୟ ଚନ୍ଦ୍ର ଦୋଷ ହୁଏ ସବୁ ନାଶ
ମାଘରେ ହରି ଜଣାଣ ll
ଶ୍ରେଷ୍ଠ କୁମ୍ଭ ମେଳା ସପ୍ତମୀର ମେଳା
ନାନା ସ୍ଥାନେ ପୂଜାର୍ଚ୍ଚନା
ବୁଡ଼ ଚନ୍ଦ୍ର ଭାଗା ଖଣ୍ଡଗିରି ମେଳା
ଆଣେ ମନେ ନୂତନତା ll
ଶାମ୍ବ ଦଶମୀରେ ଭାଷ୍କର ପୂଜାରେ
ଶାମ୍ବ ହେଲେ ଶାପ ମୁକ୍ତ
ଭକ୍ତିର ମାର୍ଗରେ ବ୍ରତଯେ ଆଚରେ
ମିଳିଥାଏ ଆଶୀର୍ବାଦ ll
ମାଘ ସ୍ନାନ କରି ଶାପ ଗଲା ଛାଡି
ଇନ୍ଦ୍ର ପାଇଲେ ମୁକତି
ମହିମା ମାସର ହୋଇଲା ପ୍ରସାର
ନଦୀ ସ୍ନାନେ ଫଳ ପ୍ରାପ୍ତି ll
ସଙ୍କଟ ଚତୁର୍ଥୀ ସଦାଶିବେ ଭକ୍ତି
ସନ୍ତାନ ହୁଏ ପ୍ରାପତ
କୃଷ୍ଣ ଏକାଦଶୀ ବିଷ୍ଣୁ ବ୍ରତେ ମାତି
ସର୍ବ ବିଘ୍ନ ଭସ୍ମୀଭୂତ ll
ଅମାବାସ୍ୟା ମୌନୀ ମୌନ ରହିକରି
ଆତ୍ମ ଶୁଦ୍ଧି ପାପନାଶ
ତିଳ ସପ୍ତମୀରେ ଦାନ ତର୍ପଣରେ
ବୈକୁଣ୍ଠେ ପାଇବ ବାସ ll
ମାଘ ଶୁକ୍ଳ ପକ୍ଷ ତିଥିଯେ ଅଷ୍ଟମୀ
ଭୀଷ୍ମ ନାମେ ଭୀଷ୍ମlଷ୍ଟମୀ
ଯଜ୍ଞ ବ୍ରତ ତପ ହରି ନାମ ଜପ
ପାଇଯିବ ପ୍ରଭୁ ସ୍ୱାମୀ ll
ମାଧବଙ୍କ ମାସ ଅଟେ ମାଘ ମାସ
ପ୍ରଭୁନାମ ତୁଣ୍ଡେ ଧରି
ଏ ଭବ ସାଗର ହୋଇବୁ ଯେ ପାରି
ମାଘ ମାସେ ତପ କରି ll