ଚଉପଦୀ (176)

ଚଉପଦୀ

(176)

ସେ ଗଜେନ୍ଦ୍ରଗତି ମୋତେ ପ୍ରତି ଦିଶେ ଦିଶିଲା (ପଦ)

ଏ ଜଗତେ ଭାବ ଯେତେ, ନ ରହିଲା ମୋର ଚିତ୍ତେ,

ଯାହାକୁ ଚାହିଁଲେ ସେ ତ ତାହାପରି ଦିଶିଲା (1)

ସହଜେ କାନ୍ତିରେ ତୋରା, ଧଇଲେ ନଦିଏ ଧରା,

ମାର ମାର ଗଣ ଗାଢେ ମରମରେ କଷିଲା (2)

ମୁଁ ତାହାର ପ୍ରୀତି କିଣା, ହେବାରୁ ଅଧିକେ ବଣା,

-ମୃଗାକ୍ଷୀର ବିନା ଆନେ ମନ ମୋ ରସିଲା ରେ (3)

ଅତି ଯତ୍ନକରି ବଳେ,ଶୟନ କରିବା କାଳେ ,

କ୍ଷଣେ ହେଲେ ନିଦ୍ରା ମୋ ଈକ୍ଷଣକୁ ନ ଆସିଲା (4)

ବୋଲେ ଅଷ୍ଟଦୁର୍ଗେଶ୍ୱର, ତା ପାଶୁ ହେବାରୁ ଦୂର,

ଦିନକୁ ଦିନ ମଦନ ଜୀବନକୁ ଶୋଷିଲା (5)

କବିସୂର୍ଯ୍ୟ ବଳଦେବ ରଥ