ଚନ୍ଦ୍ରଭାଗାର ଚନ୍ଦ୍ରମା ତୁମେ

ଚନ୍ଦ୍ରଭାଗାର ଚନ୍ଦ୍ରମା ତୁମେ ତାରା

ରାଇଜ ର ଜ୍ୟୋତି

ଚଳ ଲୋଳ ନେତ୍ର ଭଙ୍ଗୀମା ତୁମ

ଝରାଏ ମଧୁର ପ୍ରୀତି ।

ଚାରୁ ହାସ ବେଶ ଭୂଷା ସଜ ବାସ

ଭୂଷଣେ ଦିଶ ସୁନ୍ଦର

ଚିବୁକ ସ୍ତବକ ଚିତ୍ରିତ ଆଲେଖ୍ୟ 

ମୋହିନିଏ ମନ ମୋର ।

ଚାରୁ ଦୋଳାଇତ ଚିକୁର ତୁମର

ଚିକି ମିକି ଚମକ ରେ

ଚରମ ପରସ ଚଳ ଲୋଳ ନୃତ୍ୟ

ରଚୁଥାଏ ନିରନ୍ତରେ ।

ଚଟୁଳ ଚାହାଣି ମନ ପ୍ରାଣ ହାଣି

ଦିଅଇ ପୁରୁଷ ଙ୍କର

ଚଳ ଅପାଙ୍ଗ ରେ ନିତମ୍ବିନୀ ତୁମେ

ଚଳାଇ କୁସୁମ ଶର ।

ଚମ୍ପକ ବରଣୀ ଚମ୍ପା ଗୋରୀ ଆଗୋ

ଅପୂର୍ବ ପୁଲକ ଧାର

ଚିନ୍ତା ସନ୍ତ।ପ କୁ ହୃଦୟ ମଧ୍ଯ କୁ

ଫିଙ୍ଗୁ ଥାଅ ବାରମ୍ୱାର ।

ଚନ୍ଦ୍ର ଭାଗା ର ଚନ୍ଦ୍ରମା ତୁମେ 

ତାରା ରାଇଜ ର ଜ୍ୟୋତି

ଚରଣ ଚାଲି ରେ ନିତି ଯାଉ ଥାଏ

ଶତ ଶତ ଦଳ ଫୁଟି ।

ଚଳ ଚପଳା ଲୀଳା ପରାୟ ଲଳିତ 

ଲାବଣ୍ୟ ପୂରିତ ଦେହ 

ଚହଟ ଚିକ୍କଣ ହାଟକ ବରଣ

ଝଟକରେ ଟହଟହ ।

ଚାହିଁ ଦେଲା କ୍ଷଣି ନିଅ ମନ କିଣି

ଚଳ ଚଳ।ପାଙ୍ଗି ପ୍ରିୟା

ଚପଳା ଚମକ ପରାୟ ଲଳିତ

ଚାଲୁ ଚାଲୁ ହେଲେ ଠିଆ ।

ଚଳ ଚିତ୍ର ପ୍ରାୟ ହୁଏ ଅନୁଭୂତ

ତୁମ ରସ ହାବ ଭାବ

 ଚାରୁ ସ୍ନିଗ୍ଧ ସରସିଜ ଗନ୍ଧା ଆଗୋ

 ପ୍ରିୟତମା କି ସୁଦିବ୍ୟ ।

ଚହଟେ ସୌରଭ ଗନ୍ଧେ ଗନ୍ଧ ବହ

ପୁରୁଷ ଭୃଙ୍ଗ ଙ୍କୁ ମୋହ

ଚନ୍ଦ୍ର ଭାଗା ର ଚନ୍ଦ୍ରମା ତୁମେ 

ନିତି କରି ନେଉ ଥାଅ ।

ଚଳ ଲୋଳା ଭୁରୁ ଲଲିତ ନର୍ତ୍ତନ

ଦିଶେ ଅତି ମନୋହର

ଚାନ୍ଦିନୀ ଯାମିନୀ ଜ୍ୟୋସ୍ନା ବିଧଉତ

ବୋଳ। କି  ତୁହିନ  କର ।

ଚନ୍ଦ୍ର ଭାଗ। ର ଚନ୍ଦ୍ରମା ତୁମେ

ମଧୁ ଝରା ମଧୁ ମତି

ଚାହାଣି ରେ ତୁମ ଲକ୍ଷେ ଫଗୁଣ

ବିରହ ବ୍ୟଥାର ତାତି ।