Library
ଚନ୍ଦ୍ର ଘଣ୍ଟା
ଚନ୍ଦ୍ର ଘଣ୍ଟା
ନମୋ ନମୋ ଚନ୍ଦ୍ର ଘଣ୍ଟା ସର୍ଦ୍ଧୁଳ ବାହିନୀ
ଭକତ ତାନ୍ତ୍ରିକ ଜନେ ସୁଦୟା କାରିଣୀ ।
ନମୋ ନମଃ ଚନ୍ଦ୍ର ଘଣ୍ଟା ନମୋ ମହା ମାୟି
ନବ ରାତ୍ରୀ ଦିବସେ ତୁ ପୂଜା ଥାଉ ପାଇ ।
ତୁହି ଅଟୁ ଆଗୋ ମାତ ଶାନ୍ତି ପ୍ରଦାୟିନି
ତୃତୀୟ ଦିନରେ ମାଗୋ ପୂଜା ଥାଉ ଘେନି ।
ଅଶେଷ ବିଭୂତି ମାୟି ନମୋ ଚନ୍ଦ୍ର ଘଣ୍ଟେ
ଅର୍ବିଭୁତା ହେଇ ଥାଉ ବସି ବ୍ୟାଘ୍ର ପୃଷ୍ଠେ ।
ଦୁଷ୍ଟ ଦୁରାଚାର ପାପୀ ଦଣ୍ଡି ଥାଉ ତୁ ଗୋ
ଦଶ କରେ ଦଶାୟୁଧ ଧରି ତୁହି ମାଗୋ ।
କଲ୍ୟାଣ କାରିଣୀ ଆଗୋ ନମଃ ଚନ୍ଦ୍ର ଘଣ୍ଟା
କୃପା କର କୃପା ମୟି ଧରି ତୁହି ଘଣ୍ଟା ।
ତ୍ରିଭୁବନ କମ୍ଫମ।ନ ତୋର ଦିବ୍ୟ ଘଣ୍ଟା
ତିନି ନେତ୍ର, ଦଶ ହାତେ ତୁହି ଗୋ ଶୋଭିତା ।
ପ୍ରଣବ ନିନାଦେ ଯେବେ କରୁ ତୁ ବାଦନ
ପ୍ରାକର୍ମେ ତୋହର ବିଶ୍ଵ , ହୁଏ କମ୍ପ ମାନ ।
ନମୋ ନମଃ ଚନ୍ଦ୍ର ଘଣ୍ଟା ନମସ୍ତେ ଜନନୀ
ନମସ୍ତେ ଆହ୍ଲାଦ ଦାୟୀ ମାଙ୍ଗଲ୍ୟ କାରିଣୀ ।
ସୁଦିବ୍ୟ ଚେତନା ଭାବ ଧାରା ର ସ୍ପନ୍ଦନ
ଶାନ୍ତି , ପ୍ରୀତି, ସଦ୍ଭାବ , ସନ୍ତୋଷ କରୁ ଦାନ ।
ତୋହର ସୁଦୟା ଆଉ ଅନୁଗ୍ରହ ଲଭି
ନବ ରାତ୍ରୀ କାଳରେ ଲୋ ତୋ ପୟରେ ସେବୀ ।
ଅଶେଷ ସିଦ୍ଧି , ବିଭୂତି ଜନେ ଥାନ୍ତି ଲଭି
ବ୍ୟାଘ୍ର ପୃଷ୍ଠେ ବିଜେ କରୁ ତୁହି ମାଲୋ ଦେବି ।
ତୁହି ଲୋ ପାପ ନlଶିନି ଅଭୟ ଦାୟିନୀ
ନମୋ ନମୋ ଚନ୍ଦ୍ର ଘଣ୍ଟା ନମୋ ନାରାୟଣୀ ।
