ଚନ୍ଦନ ଯାତ୍ରା- ରାଧାକୃଷ୍ଣ ପ୍ରେମ
ଚନ୍ଦନ ଯାତ୍ରା- ରାଧାକୃଷ୍ଣ ପ୍ରେମ
ଶ୍ୟାମ ନାଗର ହେ ଏ ବେଶ ହୋଇବ ନାହିଁ
ଏ ବେଶ ହୋଇଲେ ପାଷାଣ ତରଳେ
ଯୁବତୀ ବଞ୍ଚିବେ କାହିଁ । ।
ଉଭା ହୋଇଥିବ କଦମ୍ବର ମୂଳେ
ନଟବର ବେଶ ହୋଇ
ଘେନିଥିବ ଯେବେ ମୋହନ ମୁରଲୀ
ଅଧରେ ଚୁମ୍ବିବ ନାହିଁ ।
ପିନ୍ଧିଥିବ ଯେବେ ପୀତାମ୍ବର ତୁମ୍ଭେ
ଭୂମିରେ ଲୋଟିବ ନାହିଁ
ହସୁଥିବ ଯେବେ ମୃଦୁ ମୃଦୁ ହୋଇ
ତେରଛେ ଚାହିଁବ ନାହିଁ ।
ଘେନିଥିବ ଯେବେ ଚନ୍ଦନର ବିନ୍ଦୁ
ଗୋରଚନା ଥିବ ନାହିଁ
ବାନ୍ଧିଥିବ ଯେବେ ତ୍ରଭଙ୍ଗିମା ଚୂଳ
ଚନ୍ଦ୍ରିକା ଖୋଷିବ ନାହିଁ ।
ଯେତେ ବେଶ ତୋତେ ମନା କଲି ଶ୍ୟାମ
ତେତେ ବେଶ ହେଲୁ ତୁହି
ବୋଲେ ବନମାଳୀ ଶୁଣ ଗୋ ରାଧିକେ
ଏ ବେଶ ତୁମ୍ଭରି ପାଇଁ ।।