ଚଳନ୍ତି ଈଶ୍ୱର ବାପା ମା’ ମୋର

ଘରେ ବାପା ମାଆ ମନ୍ଦିରେ ଦିଅଁ

ଦୁହେଁ ଭଗବାନ, ମୁଣ୍ଡକୁ ନୁଅଁ

ଚଳନ୍ତି ଈଶ୍ୱର ବାପା ମା’ ମୋର

ପରମାତ୍ମା ଯହିଁ ଏ ଜଗତର ।

ଘରୁ ପାଇ ଥାଉଁ ଆମ ସଂସ୍କାର

ସମାଜୁ ଧର୍ମ, କର୍ମ, ଶିଷ୍ଟାଚାର

ବିଦ୍ୟାଳୟେ ଶିକ୍ଷା ଜ୍ଞାନ ସଂଚାର

ଗୁରୁ ବ୍ରହ୍ମା ବିଷ୍ନୁ ଶ୍ରୀମହେଶ୍ୱର ।

ପରିବାର ମିଳି ମିଶିଲେ ଘର

ସ୍ନେହ ବିଶ୍ୱାସରେ ବନ୍ଧା ତା ଡୋର

ମନ ମିଳେ କେବେ ନ ମିଳେ ଘୋର

ବିଶ୍ୱାସରେ ଜୋଡେ ତର୍କରେ ପର ।

ଛାଡି ରାଗ ରୁସ ମୋର ଓ ତୋର

ତେବେ ହେବ ପର ଆମ ନିଜର

ଶାନ୍ତି ଓ ସନ୍ତୁଷ୍ଟି ଏ ଜନ୍ମ ସାର

ନଥିଲେ ସେ ଘର ନରକ ଦ୍ୱାର

ସୁଖେ ଦୁଃଖେ ଚାଲେ ଘର ସଂସାର

କେବେ ଆଲୋକିତ କେବେ ଅନ୍ଧାର ।