ଲାଇବ୍ରେରୀ
ପ୍ରୋଫାଇଲ୍
ଛୋଟ ମୋର ଗାଆଁ ଟି
ଛୋଟ ମୋର ଗାଆଁ ଟି
1 min
524
ଛୋଟ ମୋର ଗାଁ ଟି
ମହୁଠୁ ମିଠା ଲାଗଇ ମତେ
ସୁନ୍ଦର ତାର ନାଆଁ ଟି ।
ତାରି କୋଳେ ଜନମ ମୋର
ମୋ ପାଇଁ ସେତ ସରଗ ପୁର
ସେଇ ମୋର ପ୍ରିୟ ମାଆଟି
ଛୋଟ ମୋର ଗାଆଁ ଟି ।
ମୋ ଗାଆଁରେ ବହୁଛି ନଈ
ପାଣିରେ ତାର ଦେଖଇ ଛାଇ
ନିର୍ମଳ ତାର ଧାରାଟି
ଛୋଟ ମୋର ଗାଆଁ ଟି ।
ମୋ ଗାଁ ବନ ଭାରି ସୁନ୍ଦର
ଭୁଲାଇ ନିଏ ମନ କୁ ମୋର
ତା ବନ ପକ୍ଷୀ ଡାକ ଟି
ଛୋଟ ମୋର ଗାଆଁ ଟି।
ମୋ ଗାଁ ଇଷ୍ଟ ପ୍ରଭୁ ଗୋପୀନାଥ
ଦୁର କରନ୍ତି ସଭିଙ୍କ ଦୁଃଖ
ଧରିଲେ ତାଙ୍କ ନାଆଁଟି
ଛୋଟ ମୋର ଗାଆଁ ଟି।
କ୍ଷେତ ମୋହର ଫସଲ ଭରା
ମୋ ଗାଁ କୃଷକ ଫଳାଏ ସୁନା
ହସୁଥାଏ ସଦା ଧରାଟି
ଛୋଟ ମୋର ଗାଆଁ ଟି।
ମୋ ଗାଆଁ ବୋହୂ ଓଢ଼ଣା ଟାଣେ
ସଞ୍ଜ ନଇଁଲେ ସଳିତା ଜାଳେ
ହେବ କିଏ ତାର ସରି ଟି
ଛୋଟ ମୋର ଗାଆଁ ଟି।
ଯେତେ ଓଷା ବ୍ରତ ପର୍ବପର୍ବାଣୀ
ମୋ ଗାଆଁ ଲୋକେ ପାଳନ୍ତି ପୁଣି
ସରବେ ହୋଇ ଏକାଠି
ଛୋଟ ମୋର ଗାଆଁ ଟି।
ଏଇମାଟି ମୋର ମାତା ଓ ଧାତ୍ରୀ
ଏଇ ମାଟି ମୋର ଶିକ୍ଷୟିତ୍ରୀ
ରଖିବି ତାର ନାଆଁ ଟି
ଛୋଟ ମୋର ଗାଆଁ ଟି।
