ଛୋଟ ଆମ ଗାଆଁ

ଛୋଟ ଆମ ଗାଆଁ

      ଛୋଟ ଆମ ଘର,

ଏହି ଗାଆଁ ମୋର

      ବଇକୁଣ୍ଠ ପୁର l(0)

ତା କୋଳେ ବଢ଼ିଛୁ

       ତା ସ୍ନେହ ପାଇଛୁ,

ତା ନାଁ ରଖିବାକୁ

      ରାଣ ଯେ ଖାଇଛୁ l

ଆସୁ ଝଡ ଝଞ୍ଜା

      ନାହିଁ ଜମା ଡର,

ଛୋଟ ........................|(1)

ଗାଆଁଟିର ନାଆଁ

      କର୍ପୁର ନୂଆଗାଁ,

ସତେ ଆମ ପାଇଁ

      ରଙ୍ଗୀନ ଦୁନିଆ l

କେତେ ଅଭିନୟ

       କରୁ ତା' ଉପରେ,

ନାଚି ଡେଇଁ ଆମେ

      ଖେଳୁ ଆନନ୍ଦରେ l

ଭୁଲିଯାଉ ମା'ର

       ସେନେହ ଆଦର

ଛୋଟ.......................l (2)

ହସ ଲୁହ ଭରା

       ଆମ ଏ ଜୀବନ,

ଜୀବନ ଠାରୁ ସେ

       ଲାଗଇ ମହାନ l

ତାର ପୂର୍ବ ଦିଗେ

      ବହେ ବଡ ନଦୀ,

ତାର ଜଳ ରାଶି

       ଅଟେ ମହୋଷଧି l

ଗଙ୍ଗା ଠାରୁ ପୂଣ୍ୟ

       ଅଟଇ ତା ନୀର,

ଛୋଟ..........................|(3)

ଆସ ଆସ ଭାଇ

       ଆସ ମୋ ଭଉଣୀ,

ଗାଇ ଶୁଣାଇବା

       ଆମ ଗାଁ କାହାଣୀ l

ପୂଣ୍ୟ ଭୂମି ଭବେ

       ସୁଖ୍ୟାତି ଲଭିଛି,

ଆସିକା ବ୍ଲକରେ

       ସୁନାମ ରଖିଛି l

ତl' ନାମକୁ ଆମେ

       ରଖିବା ଅମର,

ଛୋଟ........................|(4)