ଅସମାହିତ ପ୍ରଶ୍ନ

ସ୍ମୃତି ଆଇନାରେ ତୁମ ଛବି

    ଆଜିବି ଝଲସୁ ଅଛି l

କେତେ କଥା ସତେ ମନେ

   ଭାବିଥିଲି କହିପାରିଲିନି କିଛି l

ସରଳ ବ୍ୟକ୍ତିତ୍ୱ, ନୟନ ଯୁଗଳ

    ମନ ନେଇଥିଲା କିଣି l

ଅବୁଝା ଏମନ ତୁମ ନାମ

     ରଟୁ ଥିଲା ଦିବାନିଶି l

ଆଶାର ଆକାଶେ ପୂର୍ଣ୍ଣ ଇନ୍ଦୁ

     ସାଜି ଉଇଁଥିଲ ତୁମେ l

"ଭଲପାଏ ବୋଲି "ପଦିଏ କଥା

    ନସ୍ଫୁରିଲା ତୁମ ଆଗେ l

ଅସମାହିତ ପ୍ରଶ୍ନ ସାଜି ପ୍ରେମ

   ରହିଗଲା ମୋ ପାଇଁ l

ତୁମ ଆଖିରେ ଦିନେ କେବେ

    ମୋ ପ୍ରତିଛବି ଦେଖିନାହିଁ l

ହୃଦୟେ ତୁମର ଜାଗାଟେ ନପାଇ

     ବୁଝିଛି ପ୍ରେମର ଦହନ l

ତଥାପି କାହିଁକି ତୁମନାମ ଶୁଣି 

      ବଢିଯାଏ ହୃଦ ସ୍ପନ୍ଦନ l

ଦୁଃଖଦିଏ ନିତି ଅଭୁଲା ଅତୀତ

      ଆଖିରେ ତୁମରି ସ୍ବପ୍ନ l

ଭାବନା କଳ୍ପନା ସବୁଥିରେ ତୁମେ

    ଭୁଲି ହୁଏନା ସେଦିନ l

ଆକାଶ ଚାନ୍ଦ କୁ ଚାହିଁ

    ପୁଲକିତ ହୁଏ କୁମୁଦିନୀ l

ତୁମରି ଖୁସିରେ ଖୁସି ମନ

    ଆଉ କିଛି ଚାହେଁନି ।