ସହଭାଗୀତା

ସାହିତ୍ୟ ସ°ସ୍କୃତି    ଧର୍ମ ପୁଣ୍ୟ କାର୍ଯ୍ୟ

    ବ୍ରତ ଦେଶସେବା ରକ୍ଷା

ଗଠନ ମୂଳକ      କଲ୍ୟାଣକାରକ

     ପର୍ଯ୍ୟାବରଣ ସୁରକ୍ଷା ।

ଏକାକୀ କରିବା     ଅଟଇ ଦୁଷ୍କର

       ବୃହତ୍ତର ଜନହିତ

ଲୋଡ଼ା ହୋଇଥାଏ  ଜନ ସହଯୋଗ

       ସହଭାଗୀ ସହମତ ।

ଲାଗୁଥାଏ ଯାହା     ଅସମ୍ଭବ କଷ୍ଟ

      ସାଧାରଣ ଦୃଷ୍ଟିକୋଣେ

ଅକ୍ଳେଶରେ ତାହା    ହୁଏ ସମ୍ପାଦନ

      ସହଭାଗୀତା କାରଣେ ।

ଏକତା ସ°ହତି    ସହଭାଗୀ ଶକ୍ତି

     କରେ ଆଶ୍ଚର୍ଯ୍ୟ ଚକିତ

ବିନାଶି ପାରଇ     ଅଜ୍ଞାନ ଅନ୍ଧାର

     ପାପ ତାପ କଳମୁଷ ।

ସହଭାଗ ସୂତ୍ରେ   ଉଲ୍ଲସେ ଜୀବନ

     ଶକ୍ତି ହୁଏ ଉଜାଗର

ସୁଗମ ହୁଅଇ     ବିକାଶର ଧାରା

     ସୁଲଭ ଦିବ୍ୟ ସୁଗୁଣ ।

ଶୁଭୁ ଜୟଘୋଷ   ହେଉ ନବନ୍ମେଷ

      ପ୍ରକଟନ୍ତୁ ଜୟ ଦୁର୍ଗା

ପରାଭବ ଲଭୁ     ବିକଟ ମହିଷା

    ସ୍ୱଚ୍ଛନ୍ଦୁ ଏ ପୁଣ୍ୟତୋୟା ।