ଛଳନା

ଛଳନା କରିକି ସଂସାରରେ କିଏ

ସଫଳ ହୋଇଛି କୁହ

ବଡ଼ ଆନନ୍ଦରେ ରହିଥିଲେ ମଧ୍ଯ

ଶେଷରେ ଆସିଛି ଲୁହ ।

ଲୁଟିଥାଏ ସିଏ ଛଳବଳ କରି

ନିଜର ଗରଭ ପାଇଁ 

ଗରଭ ଶେଷରେ ଫାଟି ଯାଇଥାଏ

ମୃତ୍ଯୁର କୋଳକୁ ଯାଇ।

ରାବଣର ଛଳବଳ ଧ୍ବଂସ ହେଲା

କଂସ ବି ପାଇଛି କାହିଁ

ମହିଷାଶୂର ବି କାଳର ଗରଭେ

ଲୀନ ହୋଇଛି କି ନାହିଁ ।

ମୁହିଁ କହୁ ନାହିଁ ଧରମ କହୁଛି

ଯେଉଁମାନେ କରିଛନ୍ତି

ଜୟ କରିଲେ କି ସଂସାର ଯୁଦ୍ଧରେ

ମୃତ୍ଯୁ କୋଳେ ଶୋଇଛନ୍ତି ।

କ'ଣ ଦରକାର ଛଳନା କରିବା

ମିଥ୍ଯାର ମଙ୍ଗକୁ ଧରି

ଜଗତ କଲ୍ଯାଣ ଯଦି ନ ହୋଇଲା

ବଞ୍ଚି କି ଲାଭ ତାହାରି ।