"ଛଳନା-୫"

ନିଜ ଖୁସି ମୁହିଁ  ଦେଇ ଦେଲି ତୋତେ

ହୃଦୟରୁ ମୋର କାଢି

ଅଦରକାରୀ ଭାବି  ଫିଙ୍ଗି ଦେଲୁ ତୁହି

ହୃଦୟ ମୋ ଗଲା ଛିଡ଼ି।୧।

ତିଳ ତିଳ ହୋଇ  ମରୁ ଅଛି ମୁହିଁ

ଭାବୁ ନାହିଁ କାହିଁ ଥରେ

ମିଳିଗଲା ବୋଲି  ପର ସୁଖ ତୋତେ

ମନ ନାହିଁ ମୋ ଠାରେ।୨।

ପ୍ରେମ ନୁହେଁ ସେତ  କିଣା ବିକା ଚିଜ

ସହଜେ ମିଳିବ ସିଏ

ତୋ ପ୍ରେମରେ ଆଲୋ  କେତେ ଯେ ଛଳନା

ଏକଥା ବୁଝିବ କିଏ।୩।

ଠକି ଦେଇ ତୁହି  ଚାଲି ଯାଆ ପଛେ

କାନ୍ଦିବୁ ବସି ତୁ ଦିନେ

ଆଖି ଲୁହ ସବୁ  ଝରିଯିବ ଆଲୋ

ପଡିବି ମୁହଁ ତୋ ମନେ।୪।

କି ଲାଭ ପାଇବୁ  ବୁଝୁ ନାହୁଁ ଆଜି

ଲୁହରେ ଭିଜିବ ଆଖି

ଯେତେ ଝୁରିଲେ  ବି ଦୂରରେ ତୁହି ଲୋ

ପାରିବୁ ନାହିଁ ତୁ ଦେଖି।୫।

ସ୍ୱାର୍ଥ ପାଇଁ ସିନା  ଭୁଲି ଗଲୁ ମତେ

ଭାବିଲୁ ନାହିଁ ତୁ ଥରେ

ସିଏ ନୁହେଁ ଚିର  ସରି ଯିବ ଦିନେ

ହେବୁ ଭାରି ହିନସ୍ତାରେ।୬।