ଚଗଲୀ ଅଳସୀ

ଚଗଲୀ ଅଳସୀ ପ୍ରିୟାଟି ମୋହର

     ଥିଲା ସିଏ ଅଭିମାନୀ  ।

ମନର ମନ୍ଦିରେ ସାଇତି ରଖିଣ

     ଭାବୁଥିଲି ମୋର ରାଣୀ ।

ବାଇଆ ପାଗଳ ବିଚାରିଣ ମତେ

      ପ୍ରେମ ଯାଚିଲାନି ଜାଣି ।

କାଖରେ କଳସୀ ଅଳସୀ କୁମାରୀ

       କି ସୁନ୍ଦର ତା ଚାହାଣୀ ।

ତା ସ୍ମୃତି ଆକାଶେ ପବନ ବହିଲା 

       ରଚିଲା ନୂଆ କାହାଣୀ ।

ହୃଦ କନ୍ଦରରୁ ଦୂରେଇ ଦେଇଣ 

      ମୋ ପ୍ରେମକୁ ଦେଲା ହାଣି ।

ଝୁରି ଝୁରି କେତେ ଦିନ ସରିଗଲା

       କେଉଁଠି ଅଛୁ ସଜନୀ ।

ଶେଷ ସମୟରେ ଖୋଜି ମୁଁ ହେଉଛି 

       ଦେଖା ତୁ ଦେ ଲୋ ବାୟାଣୀ ।

କିଛି କ୍ଷଣ ପରେ ମୋ ଜୁଈ ଜଳିବ

      ସାକ୍ଷୀ ରହିବ ମଶାଣି ।