ଚାରୋଟି କବିତା

    -ଝରା ଶେଫାଳୀ-

ଝରା ଶେଫାଳି ସଞ୍ଜରେ ଫୁଟି

   ମଉଳିଥାଏ

ସୂର୍ଯ୍ଯ ଆଲୋକ ଦେଖିବା ସ୍ବପ୍ନ

   କେବେ ନ ହୁଏ

   ଦିନରେ ଶୁଏ

ଅନନ୍ତ ନିଦ୍ରା ତାହାର ପାଇଁ

   ରଚିଲା କିଏ?

     

     -ମନ୍ଦାର-

ମନ୍ଦାର ପାଇଁ ଏତେ ସୌଭାଗ୍ଯ

   ଯିଏ ରଚିଲା

ପୃଜାର୍ଚ୍ଚନାରେ ଲାଗିବା ପାଇଁ

   କାହିଁକି ଦେଲା

   ନ କରି ଢିଲା

ମନ୍ଦାର ତାର କର୍ମ କରୁଛି

   ହୃଦକୁ ଖୋଲା। 

     

     -ମଲ୍ଲୀ-

ମଲ୍ଲୀ ଫୁଲରେ କିଏ ସେ ଭଲା

   ସୌରଭ ବୁଣି

କୋଟି ଜୀବଙ୍କ ହୃଦକୁ ଯିଏ

   ନେଉଛ କିଣି

   ମନକୁ ଜାଣି

ଈଶ୍ବର ମଲ୍ଲୀ ମୁଖରେ ଦେଲେ

    ହସର ଠାଣି।

     

     -ଗେଣ୍ଡୁ-

ଗେଣ୍ଡୁ ଫୁଲଟି ଚହଟି ଥାଏ

   ରୂପକୁ ଦେଖ

ସଭିଙ୍କ ମନ ହରଣ କରି

   ହଟାଏ ଦୁଃଖ

   ଅନନ୍ତ ସୁଖ

ପ୍ରତିଟି କ୍ଷଣ ହସି ହସାଏ

   ଯେ' ଥାଏ ପାଖ।