ଚାଳ ଘର

କରମ ଦେଇଛି ଭାଗ୍ୟବଳ ମୋତେ

ଯାଚିଅଛି    ଚାଳଘର l

 ଦେଇଛି ଜୀବନେ  ପେଟ ପାଇଁ ମୋତେ

ଯନ୍ତ୍ରଣା ଦୁଃଖ  ଆହାର l

ଭରସା   କେବଳ ଜୀବନେ ରହିଛି

 ଦେହ ବଞ୍ଚାଇବା ପାଇଁ l

ଚାଳ ଘରେ   ରହି ଜୀବନ ବିତାଏ

ଶୀତ କାକରକୁ   ସହି l

ବରଷା   ପାଣିରେ ସହିଛି ଜୀବନ

ଏଇ ଛୋଟ ଚାଳଘରେ l

ବରଷାର ଛିଟା ପଡିଲେ ବି ମୋର

ମନ ନ ଥାଏ ଗଭୀରେ l

ଏ ମନ ନ   ଖୋଜେ କୋଠା ବାଡ଼ି ବାସ

ନ ଖୋଜଇ ରସ ମିଠା l

କାହିଁ ସୁଖ ସ୍ୱାଦ ଭରିଛି   ଜୀବନେ

ମିଠା   ହୁଏ  ମୋତେ ଖଟା l

ଶୀତ ଦିନେ ଲାଗେ   ଆରାମ ଏ   ଘରେ

   ଖରାବେଳେ  ସୁଶୀତଳ l

ବରଷା ପାଣିରେ  ଅମୃତ ଲାଗଇ

  ପୂଣ୍ୟ ରଚେ   ଭାଗ୍ୟବଳ l