ଈଶ୍ୱରଙ୍କ ଚିଠି

 ଘେନ ମୋ ବିନତି ହେ ଈଶ୍ୱର ଆମ

     କୃପା କରି ଦିଅ ବଳ l

ମୋର ପତ୍ରଟିଏ   ଘେନ   ହେ ଠାକୁର

     ଦେଖ ଆମ ରଙ୍ଗ ଖେଳ l

ଦିଅ ରଙ୍ଗେ ସାଜି  ସବୁଜିମା ଭରି

    ଧରଣୀ  କି   କର ରାଣୀ l

ଏ  ଚିଠି ସମ୍ବାଦ ଘେନ ହେ ଠାକୁର

     ରଚିଦିଅ ଯେ  କାହାଣୀ l

ମୋର ଏଇ ଚିଠି  ଲେଖିଅଛି ବସି

         ସୁନ୍ଦର କର ଏ ମହୀ l

ଧରଣୀ ଦେବତୀ ଆମ ପାଇଁ ରଖୁ

         ଅଶେଷ ମହିମା କୀର୍ତ୍ତି l

ତୁମରି ମହିମା ଜଗତରେ ବ୍ୟାପୁ

       ନାମ ରହୁ  ପୁସ୍ତକରେ l

ତୀର୍ଥ କ୍ଷେତ୍ର ଦ୍ୱାରେ ବସି ରହ ପ୍ରଭୂ

     ଦେଖୁଥିବା ନିରନ୍ତରେ l

ସତ୍ୟ ଧର୍ମ ଦୟା କ୍ଷମା ଚାରି ଗୁଣ

ପ୍ରସାରିତ କର କ୍ଷଣେ l

ନ  ରହୁଟି ଦୁଷ୍ଟ ସନ୍ଥ ସେବକ ଦୁର୍ଗୁଣ

ସଦା ଦେଖ ଦରଶନେ l

ସତ୍ୟ ଲୋକଙ୍କର ଦୟା କୃପା ବୁଝ

ନ ଦିଅ ତାହାକୁ ତଡ଼ି l

ହିତ ପାଇଁ  ଦେଖ ସମାଜ ମଙ୍ଗଳ

    ଜୀବନ  ତରଙ୍ଗ ବଢ଼ି l

କାହା ହାତେ ସୁଖ କାହା ହାତେ ଦୁଃଖ

    କାହା ହାତେ ରଙ୍ଗ ଖେଳ l

କାହାର ଜୀବନ ଦୁଃଖମୟ ରଙ୍ଗ

    ରଚିଦିଅ ଭାଗ୍ୟ ଖେଳ l

ଏ ଚିଠି ଲେଖିଛି ତୁମ ପାଇଁ ପଦେ

ନ ଧରିବ ମୋର ଦୋଷ l

ହେ ଈଶ୍ୱର ତୁମେ ପରମ ଠାକୁର

ନ ବହିବ ପ୍ରଭୂ ରୋଷ l