ଚାଲ୍ ଏମିତି ଏକ ଜୀବନ୍ତ ଅଭିନୟ କରିବା
ଚାଲ୍ ଏମିତି ଏକ ଜୀବନ୍ତ ଅଭିନୟ କରିବା
ସାଥିରେ ଫୁଟିବା ଦୁଇଟି ଫୁଲ
ସାଥିରେ ଦୁହେଁ ଯିବା ମଉଳି,
ଚାଲିବା ଝୁଣ୍ଟିବା ଏକା ବାଟରେ
ବୟସ ବିନେ ଯିବା ଝାଉଁଳି ।
ମନ ଗହନର ଗହନ କଥାସବୁ
ଏ ପୃଥ୍ଵୀ ମଞ୍ଚରେ ଦେବା ବଖାଣି,
ଚାଲ୍ ଆମେ ଦୁହେଁ ଦୁଃଖକୁ ବାଣ୍ଟି
ଜଗତ ଦୁଃଖିରେ ହୋଇବା ଗଣି ।
ପ୍ରକୃତି ଗଠନେ ପ୍ରକୃତ ବନ୍ଧୁ ଦେଖି
ମନ ଗହନେ ଖୋଜି,ଚିହ୍ନିବା ଜଳ୍ହାଦ,
ଜଳ୍ହାଦ ତ ସବୁ ନୁହନ୍ତି ମର୍ତ୍ତ୍ୟରେ
ହେଲେ ବି ସମସ୍ତେ ନୁହନ୍ତି ସଙ୍ଗାତ ।
ରକ୍ତ ମାଂସ ବିନୁ ଏ ଶରୀର ଘେନି
ହାଡ଼ ପାହାଡ଼ରେ କିଏ ଯେ ବଞ୍ଚିଛି ,
ମୃତ୍ୟୁ ପରେ ଯଦି ମନେ ନ ପକାନ୍ତି
ଏ ପଙ୍ଗୁ ଜୀବନ ଶୂନ୍ୟରେ ସଢିଛି ।
ଜୀବନ ପ୍ରଳୟ କ୍ଷଣ ମାତ୍ର ଏକା
ସେ ପ୍ରଲୟରେ ପଥର ସାଜିବୁ,
ଶକ୍ତି ଘାତ ଯଦି ହୁଏ ଅସମୟେ
ଏ ମାଟିରେ ମିଶି ଯିବାକୁ ଚାହିଁବୁ ।