କରୋନା ବିରୁଦ୍ଧରେ ମାସ୍କପରିଧାନ

ଛୁଅନା ଛୁଅନା     ବନ୍ଧୁ ମୋତେତୁମେ

    ମୋତେ ତୁମେ ଜମା ଛୁଅନା

ଚୁମ୍ବନ ମୋହର    ଲୋଡା ନାହିଁ ପ୍ରିୟ

     ମାସ୍କ ପିନ୍ଧାଇଛି  କରୋନା |

ଭଲ ପାଇବା ଟା   ହୃଦୟରେ ରଖି

     ହୃଦେ କୋହ ଚାପି  ରଖିବ

ମୋ ପାଖରେ ଥିବା  ଭୂତାଣୁ ଡେଇଁବା

    ସମ୍ଭାବନା କମ୍ ହୋଇବ   |

ଛୂଇଁଲେ ପାଖରେ    ବସିଲେ କରୋନା

    ଭୂତାଣୁ ଡେଇଁବ  ବୋଲି

ମାସ୍କ ପିନ୍ଧିବାକୁ    ଡାକ୍ତର କହନ୍ତି

    କରୋନା କହିଛି ଖୋଲି |

ଆଲିଙ୍ଗନ କଲେ     ତୁମରି ହାତର

   କରୋନା ଭୂତାଣୁ ସବୁ

ମୋ ଦେହକୁ  ଆସି     ହାର୍ଟ ଲଙ୍ଗ୍ସ କିଡ୍ନି

     ସମୂଳେ  ନାଶିବେ ସବୁ|

ଜୀବନଟା ଆଗ    ପ୍ରେମଭାବ ପର

     ବଞ୍ଚିଲେ ସମ୍ପର୍କ ଗଢେ

କରୋନା କ୍ଷୁଦ୍ରାତି     କ୍ଷୁଦ୍ର ଜୀବଟିଏ

     ହେଳା କଲେ ଭେଳା ବୁଡେ |

ସମଗ୍ର ପୃଥିବୀ    କବଳିତ ଆଜି

     ଏ କ୍ଷୁଦ୍ର ଭୂତାଣୁ  ଦ୍ବାରା 

ତୁମେ ସାମାଜିକ    ଦୂରତା  ବଜାୟ

    ରଖ ମୋ ଦୁଃଖ ପାସୋରା |

ମୁଖକୁ ମାସ୍କରେ     ଘୋଡାଇ ରଖିଲେ

      କାଶ ଛିଙ୍କଠାରୁ ରକ୍ଷା

କରୋନା ଭୂତାଣୁ    କଫରେ ଛିଙ୍କରେ

      ମାସ୍କକରେ ତା'ଠୁ ରକ୍ଷା |

ଆହେ ପ୍ରାଣଧନ    ମୋକଥାକୁ ମାନ

     ପ୍ରଥମେ  ଆମ ଜୀବନ

ଆମରି ଜୀବନ   ବଞ୍ଚିଥିଲେ ସିନା

      ଲଭିବା ଶହେ  ଫଗୁଣ |

ମୋ କଥାକୁ ମାନ   ମାସ୍କ ପରିଧାନ

      କରିବାକୁ ଭୁଲ ନାହିଁ

ଜନଗହଳିଠୁ    ଦୂରେଇ ରହିଲେ

     ସଂକ୍ରମଣ  ଭୟ ନାହିଁ   

କର ମର୍ଦ୍ଦନ ବା      ଆଲିଙ୍ଗନ ଆଉ

       ଚୁମ୍ବନ   ଆଙ୍କିବ ନାହିଁ |

ଦୂରରୁ ଜୁହାର      କରିଣ ସମ୍ମାନ

     ଜଣାଇ ପାରିବ ତୁମେ  

 ଆଖିର ଇସାରା   ଦୂରୁ  ହାତ ଠାରି    

    ପ୍ରେମ ସ୍ନେହ ଦେଖା' ତୁମେ |