Library
Profile
ମମତାମୟୀ ମା
ମମତାମୟୀ ମା
ଦଶ ମାସ ଗର୍ଭେ ଧରି କରିଛୁ ପ୍ରସବ
ସ୍ନେହ ଭରା ପଣତେ ଆଉ କିଏ ରଖିବ
ତୋ ପରି ମା ଜଗତରେ କିଏ ସେ ହେବ ।
ଆମ ମନ ଜାଣି ରାନ୍ଧି ପରସି ଦେବ
ନିଜ କଥା ଭୁଲି ଆମ ଦୁଃଖ ବୁଝୁ ଥିବ
ତୋ ପରି ମା ଜଗତରେ କିଏ ସେ ହେବ ।
ସନ୍ତାନ ସୁଖ ପାଇଁ ସବୁତ ଆଣି ଦେବ
ରାତି ଉଜାଗର ହୋଇ ସେବା କରୁଥିବ
ତୋ ପରି ମା ଜଗତରେ କିଏ ସେ ହେବ ।
ଶିଶୁ ର ଅଳି ଅଝଟ ସବୁ ସହି ଯିବ
ଅମାନିଆ ହେଲେ ଆଉଁସି ବୁଝାଇ ଦେବ
ତୋ ପରି ମା ଜଗତରେ କିଏ ସେ ହେବ ।
ଆମର ସୁଖ କୁ ଦେଖି ଆନନ୍ଦିତ ହେଉ ଥିବ
ଆମର ଲୁହ ଦେଖି କାନ୍ଦି ପକାଉଥିବ
ତୋ ପରି ମା ଜଗତରେ କିଏ ସେ ହେବ ।
ମନ ଜାଣି ସବୁ ଖୁଆଉଥିବ
ଅନ୍ତର କଥାକୁ ଆମର ତ ଜାଣୁଥିବ
ତୋପରି ମା ଜଗତରେ କିଏ ସେ ହେବ ।
ଯା ମମତା ଅମୃତ ସର୍ବଦା ଝରୁ ଥିବ
ଆକାଶ ପରି କା ହୃଦୟ ବିଶାଳ ହେବ
ତୋ ପରି ମା ଜଗତରେ କିଏ ସେ ହେବ ।
ଇଶ୍ଵରଙ୍କ ରୂପେ ପାଖେ ପାଖେ ରହି ଥିବ
ଦିନୁଟେ ପାଖରୁ କେବେ ଦୂର ନ ହୋଇବ
ତୋ ପରି ମା ଜଗତରେ କିଏ ସେ ହେବ ।
ଦୁନିଆ କୁ ଆଣି କିଏ ବା ବଡ଼ କରିବ
କୋଳେଇ କାଖେଇ ସରଗ ସୁଖକୁ ଦେବ
ତୋ ପରି ମା ଜଗତରେ କିଏ ସେ ହେବ ।
ତୋର ଗୁଣ ଯେତେ ଗାଇଲେ କେବେ ନ ସରିବ
ତୁ ପାଖେ ଥିଲେ ଆଉ କିଛି ଲୋଡ଼ା ନ ହେବ
ତୋ ପରି ମା ଜଗତରେ କିଏ ସେ ହେବ ।
